அனுபவம்

2011-08-27T12:04:00.001+05:30

2011-08-04T12:58:00.004+05:30

முகம் காண முதலே‍ -என்
மனம் பார்த்த சினேகிதியே- உன்னை
மணங்கொண்டு வாழ்ந்திட -நான்
என்ன தவம் செய்தேனோ???

2011-07-29T19:31:00.001+05:30

ஆயுட் கைதி

2011-07-28T12:24:00.003+05:30

இதயம் திருடிச் சென்றவள்
கனவில் வந்து செல்கிறாள்
திருடி அவளைப் பிடிக்க‍ ‍- நான்
தினமும் முயற்சி செய்கிறேன்

கையைப்பிடித்து இழுக்கிறாள்
கைது செய்து செல்கிறாள்!
கனவைக்கூடக் கலைத்தவள்
கவலை கொள்ளச்செய்கிறாள்

அவளின் சிறையில் கைதி-நான்
ஒருவன் மட்டும் இருப்பதால்
ஆயுட்கைதியாக-நான்
அவளின் சிறையில் வாழுவேன்!

உன்னைச் சந்தித்ததிலிருந்து...

2011-07-23T13:02:00.002+05:30

ரோஜா மலரை கிள்ளாதே!

2011-07-13T15:32:00.002+05:30

ரோஜா மலரை
கிள்ளாதே!
கிள்ளிய மலரை
வாட விடாதே!
வாடிய மலரை
வீசாதே!
வீசிய மலரை
மீண்டும் தொடாதே!

2011-07-07T08:43:00.001+05:30

அல்பர்ட் ஐன்ஸ்டீன் பொன்மொழிகள்

2011-06-05T10:54:00.002+05:30

01. ஒருவன் எவ்வளவுதான் கல்வி மேம்பாடு உடையவனாக இருப்பினும், பிறருடைய உரிமைகளை மதிக்கத் தெரியாதவனாக இருப்பின் அவன் பயின்ற கல்வியால் ஆன பயன் எதுவும் இல்லை.

02. மாணவர்களிடம் மறைந்திருக்கும் உண்மையான திறமையை வெளிப்படுத்துவதே கல்வியின் நோக்கமாகும். மாறாக மாணவர் மண்டையில் எதையாவது திணிக்க முயல்வதல்ல கல்வி.

03. ஆசிரியரைப் பொறுத்தவரை நான் ஒரு முட்டாள், உங்களைப் பொறுத்தவரை நான் ஓர் அறிவாளி என்னைப் பொறுத்தவரை நான் யாரென்று தேடிக் கொண்டிருக்கிறேன் சரியாகப் புரியவில்லை.

04. எப்படிப்பட்ட கொடிய தண்டனைகள் கிடைத்தாலும் உண்மையை மட்டுமே உரைக்கிற அற்புதமான பழக்கம் வரவேண்டும், அதுவே வாழ்க்கைக்கு அழகு.

05. குழந்தைகளின் மனவியல் தெரியாது கற்பிக்கும் ஆசிரியர்கள் ஏறத்தாழ அவர்களுடைய மனவியல்பை கொல்லும் கொலைகாரரே.

06. ஜேர்மனியில் உள்ள பாடசாலைகளில் நிலவும் கண்டிப்பும், தண்டனையும் எனக்கு கல்வியை தரவில்லை மாறாக தலைவலியைத்தான் தந்தது.

07. பிறருடைய சுக துக்கங்களில் பங்கு கொண்டு, அவர்களுடைய உணர்ச்சிகளுக்கு மதிப்பளித்து மாண்புடையோராக வாழ்வதே கல்வி கற்றோருக்கு அழகுடைய செயலாகும்.

08. வெற்றி பெற்ற மனிதனாக வாழ்வதைவிட உபயோகமுள்ள மனிதனாக வாழ முயற்சி.

09. கல்வி அறிவுள்ளவர்களை வீட்டுக்கு அழைத்து விருந்து கொடுத்தால் அவர்கள் கதைப்பதைக் கேட்டு வீட்டில் உள்ள குழந்தைகள் அறிவு பெறுவார்கள். யுதர்கள் சபாத் என்று கொண்டாடும் விருந்துக்கு அறிஞரை அழைத்து வருவார்கள் அதன் மூலம் விருந்தை அர்த்தப்படுத்துவார்கள்.

10. நாம் காட்டுக்கு வேட்டைக்குப் போகிறோம். அப்போது எந்த மிருகம் நமது கைக்கு அகப்படப் போகிறது என்று தெரியாது. ஆகவே அந்த மிருகத்திற்கு எக்ஸ் என்று பெயரிடுகிறோம். நாம் முயலை வேட்டையாடினால் அந்த முயலே எக்ஸ் என்பதன் கருத்தாகும்.

11. இராணுவ வீரர்கள் மனிதத்தன்மையற்ற பிறவிகள் மிருகத்தனமான இயந்திரங்கள்.

12. இராணுவம் என்பது மனிதனை மனிதனாக நடக்க விடாமல் மிருகமாக நடப்பதற்கு ஊக்குவிக்கும் தாபனமே.

கற்றிட எனக்கும் உதவுங்கள்!

2011-03-19T09:00:00.003+05:30

காதல் ஊருக்கு வழி எதுவோ?- என்
கண்மணி பேசும் மொழி எதுவோ?

முகவரியில்லா ஊர் தேடி -நான்
முழுமதி தொலைத்த ஒரு பேடி!

காதலி அவள் ஒரு புத்தகமாய்- ஒரு
கவிஞன் சொன்னது ஞாபகமே!

வழியில் ஒரு நாள் கண்டெடுத்தால் -அந்த‌
மொழிதான் வேண்டும் படிப்பதற்கு!

வெகுமதி தருவேன் தோழர்களே அந்தக்
காதலின் காதலின் மொழியைக் கூறுங்கள்!

காதலை வென்ற கலைஞர்களே! -அந்தக்
காதல் வலித்தால் மருந்தென்ன?

ஒருதரம் முயன்றாற் கிடைத்திடுமா? -இல்லை
பலமுறை முயன்றால் வெற்றியுண்டோ?

புத்தகம் படித்திட ஆசை கொண்டேன்‍ -அந்தப்
புதுமொழி கற்றிட உதவுங்கள்!

ஒரு பூவின் ரகசியம்!

2011-03-17T10:51:00.003+05:30

பூக்கள் காண்கையில் -உள்ளம்
பூரிப்பாகுதே!

பூவின் ரகசியம் -எந்தன்
பூவை ரகசியம்!

அழகு ரோஜாவே‍ -எந்தன்
காதல் தேவதை!

செவ்வரத்தைதான் -அவள்
செவ்விதழ்களாம்!

பல்வரிசைகள் பால்
வெள்ளலரியாம்!

காந்தள்மலர்களே அவளது
கைகளானதே!

ஊசிமல்லியே- கொடி அவள்
இடையுமானதே!

குண்டுமல்லியை- நானும்
சொன்னாற் தொல்லையே!

வாசமல்லியே -எந்தன்
நினைவில் நீயடி!

சூரியகாந்தியாய் -என்னைச்
சுற்றும் பார்வையாம்!

என்னைக் காண்கையில்
செந்தாமரை முகம்!

எந்தன் தோட்டத்து
அழகு மலர்களை
யாரும் ரசித்திடில் -அவர்கள்
ஆயுள் குறைந்திடும்!

கொள்ளையாய்ப் பேசலாம்..............!

2011-02-26T10:55:00.004+05:30

இருட்டில் ........
கொள்ளைக்காரர்கள் கொள்கைக்காரர்களாகி
தமது பைகளை நிரப்பிக்கொண்டிருக்க ............
கொள்கைக்காரர்கள் கொள்ளைகளைக்கண்டு
கொள்ளை கொள்ளை என்று
கொள்ளையாய் கத்திக்கொண்ட
கொள்ளை மயக்கத்தில்
தமது கொள்கை மறந்து
கொள்ளை கொள்ளை என்று
வாய் பிதற்றிக்கொண்டிருக்க......................
கோழி கூவியதனால் பொழுது விடிந்தது

வெளிச்சத்தில் நடைபெற்ற
அறிஞர்களின்
ஆராய்ச்சி முடிவுகள்
ஊக்க மருந்துப்பாவனை பற்றி
உரக்கப்பேசின
முட்டாள்கள்
மூக்கில் விரல் வைத்துக்கொண்டார்கள்!

பேய் மகன் நீயல்ல‌ பேயும் அவளல்ல...

2010-12-05T14:53:00.005+05:30

பத்தினிப்பெண்ணவள் பார்வை பட்டால் -அந்த‌
அக்கினித்தீயும் அணையுமடா!
உத்தமி தந்த புத்திரனே -அதை
உருக்கமாய் நான் சொல்லக் கேளுமடா!

பெண்ணவள் உயிருள்ள பதுமையடா -அதில்
உணர்வுகள்கூட உள்ளதடா! -அப்
பதுமை தந்த புதுமகனே -அந்த
உணர்வுகள் உன்னிலும் உள்ளதன்றோ?

அன்புக்கு ஏங்கிடும் பெண்மனமே- அது
துன்பம் கண்டால் துவண்டிடுமே!
வெண்பட்டுப்போலும் அவள் மனமாம் -அதில்
கரும் புள்ளி எதனால் உருவாகும்?

பெண்ணவள் கொண்டாள் பலவடிவம்- நீ
கண்டது ஒன்றே பேய்வடிவம்!
பேய்தான் உனக்குத் தாய் என்றால் -அந்தப்
பெருமை உனக்கே கேள் மகனே!

பெண்ணவள் ஏனோ வெறுக்கின்றாள்? -இந்த‌
ஆணின் நடையால் ஒதுக்கின்றாள்.
"அவல்" என்று நீயும் இடிக்கின்றாய்
அதுகண்டு"அவளு"ம் துடிக்கின்றாள்!

ஆண்மகன் என்று சொல்கின்றாய் -உன்
மனைமகள் அவளை வெல்லாமல்
இன்னொரு பெண்ணைக் கொள்கின்றாய்
அதனால் அவளைக் கொல்கின்றாய்!

அன்னை அக்கா அண்ணியென்று
அனைவரும் பெண்கள் அறியாயோ
கண்ணைக் குத்திக் கெடுக்கின்ற‌
கயமை ஒழித்து வாழ் மகனே!
இன்னும் சொல்ல வார்த்தை உண்டு
இன்னொருக்கால் நான் வருகின்றேன்!

உன்னை விட்டு...???

2010-11-25T10:41:00.004+05:30

உற்றதுணை நீயிருக்க‌
ஊருக்கப்பால் நானிருக்க‌
தேன் வடியும் பூமுகமே‍ -நீ
வாடிவிழலாமோதான்?

ஜோடிக்கிளிபோல் நாம்
சேர்ந்திருந்து கதைபேச‌
ஓடிவரும் காலங் கண்ணே -நீ
வாடி வதங்காதே!

கொம்புமேல் அமர்ந்திருந்து
வம்புக்கதை பேசுகின்ற‌
ஜோடிக்கிளி கண்டெந்தன்
நாடி நரம்படங்குதடி!

கோடிபணம் வேண்டுமெந்தன்
கொம்பனையைக் கொள்வதற்கு, என்று
மாமன் சொன்ன கதையாலே‍ -நானும்
நாடு விட்டு இங்கு வந்தேன்

கோடி பணமிருந்தாலே -என்
கொம்பனையைச் சேரலாமோ?
பூவனையாள் வாடுமுன்னே
வண்டாய் வருவேன் நான்!

அனுபவம் நண்பர்கள் அனைவருக்கும் இனிய தீபாவளி நல்வாழ்த்துக்களைத் தெரிவித்துக்கொள்கிறது!

2010-11-01T12:05:00.001+05:30

2010-10-01T17:44:00.000+05:30

முட்டாள்களின் உலகத்தில் மூச்சுவிடத்தெரியாமல் தவிக்கும் ஒரு அறிவாளி நான்!

2010-03-13T11:15:00.002+05:30

ஏதாவது எழுத நினைக்கும்போது கை அடம்பிடிக்கிறது.
கை எழுதத்துடிக்கும்போது மனம் தரமறுக்கிறது. கையும் மனமும் ஒத்துப்போகும்போது காலம் இடம் தருவதில்லை.

நீ அல்லது தீ

2010-03-10T08:21:00.001+05:30

காதலில் மதிமயங்கி
கட்டியே தழுவியுன்னை
சாதலை அணைத்துக்கொள்ளும்
விட்டிலுங்கூட வீழ்ந்துயிர் மாய்தல்
கட்டிலில் தழுவும் ஆசையில்தானே?-உன்னைத்
தொட்டிடத் தாவும் குழந்தையுங்கூட
பட்டபின் நெருப்பைக் கண்டதும் ஓடும்
வெட்டெனப் பாயும் உன் சீற்றமென்ன?

நல்லவர் ’தீ’யர் யாவர்க்குமிங்கே
நீ”தீ”யின் தீர்ப்பு ஒன்றெனச் சொல்லி
வெல்பவர் மனதை வெல்லலாம் எனினும்
ஏற்பில்லை எனக்குத் தீயாரின் தீர்ப்பு!

தீய்க்கென்ன தெரியும் தீய்க்கத்தான் தெரியும்
தீய்ந்தவர் நெஞ்சத்தின் வேதனை புரியுமா?-இல்லை
தன்மேல் சாய்ந்தவர் உள்ளத்தின்
காதல்தான் தெரியுமா?

பழமொழி(அனுபவமொழி)

2010-03-02T15:41:00.000+05:30

பச்சையாக இருந்தாலும் பழம் பழம்தான்!

சாத்திரம்????????

2010-02-28T10:12:00.000+05:30

ஆத்திரத்தில் தேனிருக்கும்
பாத்திரத்தை உடைத்துவிட்டு
சாத்திரம் பார்க்க வரும் முட்டாளே!
சாத்திரம் உனக்கு வந்து
மூத்திரம் பருக்குவதை
மாத்திரம் நீ கண்திறந்து பாராயோ?

புதுசா இருக்கா?

2010-02-13T12:46:00.001+05:30

கடவுள் படைத்த மனிதன்!

2010-01-07T13:32:00.005+05:30

ஆட்டங்கள் போட்டு
அகிலத்தை நடுங்க வைத்து
அண்டங்களெல்லாம்
ஆர்ப்பரித்து அமைதிகொள்ள
கண்டெங்கள் இறைவன்
கடல் நடுவே அமைதி கண்டான்

ஊழி அடங்கியதும்
உறங்கியவன் கண்விழித்து
ஆழி நடுவே- தன்
அநாதை நிலை உணர்ந்து கொண்டான்
"காளி கூளி என்ற
பேய்ப்படைகள் தூண்டியல்லோ
ஊழியை நான் நடத்திவிட்டேன்
உலகனைத்தும் அழித்துவிட்டேன்
உலகோடு உயிர் அழித்து -என்
உடைமையெல்லாம் தொலைத்துவிட்டேன்"
என்று ப‌ல‌ நினைந்து
நொந்து பின்னர்தெளிந்து கொண்டான்

உலகோடு
உயிர்களெல்லாம் இல்லையென்றால்...
எனக்கேது வேலையென்று?
மீண்டும் தன் தொழில் தொடங்க‌
மனிதனென்றோர் விலங்கு செய்தான்
ஒன்றே பலவாகி பலவாயிரமாகி
கண்டங்களெங்கும்
கனகோடி மனிதர் வந்தார்

விலங்காகப் பிறந்தவனே
விலங்கினின்றும் பிரிந்து சென்றான்
கல்லாயுதங்கொண்டு
காட்டினிலே வேட்டை செய்தான்
காலங்கள் கடந்து சென்று
வில்லாயுதம் படைத்தான்
வில்லாயுதம் கொண்டு
வில்லங்கமாய்ப் போர்தொடுத்தான்
பலகாலம் கடந்து வந்து
பல்குழலாயுதம் படைத்தான்
பார் முழுதும் தனதாக்கப்
போர் தொடுத்து உயிரழித்தான்
உயிரழித்த அவனறிவால்
உயிர் படைக்க வழி சமைத்தான்

தன்திறனை விருத்தி செய்து
சந்திரனில் கால் பதித்தான்
இயற்கைக்கும் தொல்லை செய்தான் -உலகையவன்
எல்லை செய்தான்

ஓராயிரமாண்டு
ஒப்பற்ற விந்தை செய்தான்
ஈராயிரமாண்டில்
இல்லை உலகென்றான்

இயற்கைக்குப் பயந்த அவன்
இயற்கையையே வணங்கி நின்றான்
செயற்கையிலே கடவுள் செய்து -தன்
எண்ணம் போல் உருக்கொடுத்தான்

அணுவுக்கு அணுவாய்
அப்பாலாய் நின்ற தெய்வம்
அணுவைப் பிளந்தவனின்
அறிவுக்கும் எட்டுதில்லை

காபனை உயரவைத்தான்
காலநிலை மாறவைத்தான்
ஒசோனில் ஓட்டை என்றான
"ஓபன் ஹெகன்" என்றான்
எல்லாம் அவன் படைப்பான்
கடவுளுக்கு வேலையில்லை

கடவுள் படைத்ததெல்லாம் -அவன்
கால் தூசும் பத்தாது!

கவிதை பிறந்த வரலாறு!

2009-12-28T23:55:00.006+05:30

கவிதை பிறந்த வரலாறு என்றதும் நீங்கள் ஏதேதோ யோசிப்பது எனக்கு விளங்குகிறது.இங்கு நான் சொல்வது என்னிடம் கவிதை பற்றிய எண்ணம் பிறந்த வரலாறு பற்றித்தான்.நான் தரம் ஏழில் பயின்று கொண்டிருந்தகாலம். காலைக்காட்சிபற்றிய ஒரு வர்ணனை எழுதிக்கொண்டு வரும்படி எங்கள் ஆசிரியை சொல்லியிருந்தார். நான் வழமைபோல எனது தந்தையாரிடம் "ஐடியா" கேட்டுக்கொண்டிருந்தேன்.அவர் தனது வழிகாட்டலுடன் சூரிய உதயம் பற்றிய வர்ணனையை பின்வருமாறு எழுத உதவினார்.

"செண்பகம் மேளம் கொட்ட‌
குயில்கள் பாட்டிசைக்க‌

சேவல்கள் வாழ்த்துக்கூற‌

காகங்கள் வருக வருக என்றழைக்க‌

குருவிகள் மகிழ்ச்சியில் ஆரவாரம் செய்ய

தாமரைகள் தமது நண்பன் வருகையைக் கண்டு முகமலர‌

ஏழு வர்ணப்புரவிகள் பூட்டிய

தேரில்செங்கதிரோன் உதயமானான்

இந்த வரிகளுடனான அந்தக்கட்டுரை ஆசிரியையின் பாராட்டைப் பெற்றது.அதன் பின்னர் எழுதப்போகும் கட்டுரைகளில் கவிவரிகளைச்சேர்ப்பது என்று உத்தேசித்துக்கொண்டேன்.

அடுத்து எங்களுக்கு ஆசிரியை எழுதச்சொன்ன கட்டுரை "மழையற்று வரண்டுபோன ஒரு பிரதேசம்" பற்றிய வர்ணனைக்கட்டுரை. அதில் நான் சுயமாக எழுதிய கவிவரிகள்( அப்போதைக்கு என்மட்டில் கவிவரிகள்) கீழேயுள்ள வரிகள். அவை எனது தந்தையார் மற்றும் ஆசிரியை ஆகியோரது பாராட்டுக்களைப் பெற்றவை.

"கையில் குடம்

கக்கத்திற் பிள்ளை

பையில் ஒருபிடி அன்னம்

பக்கத்தில் நீரல்ல‌

கைலைக்குப் போவதுபோல்

கக்கிசங்கள் பலபட்டு

ஐயையோ என்று

நீர் தேடும் அலைச்சல் தொடர்கிறது"

இந்த வரிகளுக்கான ஆதரவுதான் கவிதை என்று எண்ணிக்கொண்டு நான் ஏதேதோவெல்லாம் எழுதக்காரணமாயிற்று. இதுதான் உண்மை! என்னை என்னவேண்டுமானாலும் செய்யுங்கள்!

உண்மைக்காதல்!

2009-11-10T13:19:00.005+05:30

மாடி வீட்டு முற்றத்துல‌
கூடிருந்து ஆடயில சின்னத்தான்- நீ
முத்தமிட்டுச் சொன்ன கத என்னத்தான் -எனை
முத்தமிட்டுச் சொன்ன கத என்னத்தான்?

போடி போடி புள்ள நீ
போன கத சொல்வதிங்கு ஏனிப்போ? -எப்போ
போன கத சொல்வதிங்கு ஏனிப்போ?

கோடி கோடியாய் உழைத்து
கோடீஷ்வரன் ஆனபின்பு
தேடி என்னை மணம் புரிவேன்
என்று சொன்னியே -இப்போ
போடி போடி என்று நீ விரட்டுறியே?

சின்ன வயசில நான்
சிந்திக்காம சொன்னதெல்லாம்
உண்மையாக உன்மனதில் வச்சிருக்கியா -புள்ள‌
உண்மையாக உன்மனதில் வச்சிருக்கியா?

எதற்காக என்னக் கட்டத் தயங்குறீங்க?
என்ன குறைச்சலென்று சொல்லுவீங்களா?- எனக்கு
என்ன குறைச்சலென்று சொல்லுவீங்களா?

கறையொன்றும் இல்ல கண்ணே உன்னிடத்திலே
குறையெல்லாம் இருக்கிறது என்னிடத்திலே-பெரிய
குறையெல்லாம் இருக்கிறது என்னிடத்திலே

குறையொன்றும் இல்லை அத்தான் உன்னிடத்திலே- பெரிய‌
குறையொன்றும் இல்லை அத்தான் உன்னிடத்திலே‍
பணக்கார பெண்ணென்று விலக்குறீங்க- ‍உங்க‌
குணம் மட்டும் எனக்கென்றும் போதுமையா

உன்னவிட்டு நான் என்றும் பிரியேனடி‍ -உங்க
அப்பனுக்கும் சதி செய்ய நினையேனடி
வாடி கண்ணே ஆசீர்வாதம் பெற்றுக்குவோம்
வாழ்த்தி அத்தை வரம் கொடுத்தா வாழ்ந்துக்குவோம்!

என் காதல் தேவதை

2009-11-08T10:50:00.002+05:30

கனவுக்கு அர்த்தம் சொல்லக்
காதலி வந்தாளாம்‍ -என்
காதலுக்கு உயிர் கொடுக்க‌
கண்ணகி வந்தாளாம்

வாழ்க்கைக்கு ஒரு ஒளிகொடுக்க‌
வான்மதி வந்தாளாம்
வாசமலர் தேன் கொடுக்கத்
தேடி வந்தாளாம்

ராமன் கண்ட சீதை அல்லோ
எந்தன் சிறிதேவி
வாழ்க்கைக்கு நற்பயன் கொடுக்க‌
அவளே என் ராசி

வாழ்க்கை எனும் போராட்டத்தில்
வெற்றித்தேவதையாம்
ஆயுள்பலம் வாங்கிவந்த
அழகு ரோஜாவாம்

பெண்களுக்கு விதிவிலக்காய்
திருமகள் இவள்தானே
திருஷ்டி சுற்றிப்போடுங்கடி
தெய்வ மகளுக்கு

கட்டாரிலிருந்து.....கட்டிய மனைவிக்கு!

2009-10-27T14:52:00.002+05:30

கண்மணி உன்னைவிட்டு
பொன்மணியத் தேடிக்கிட்டு
நாடு விட்டு நாடு வந்தேன்
நல்ல தொழில் செய்ய என்று

ஏஜெண்டுத்துரை சொன்ன
நயமான வார்த்தை நம்பி
நாடு விட்டு இங்கு வந்தேன்
நாலுபணம் சேர்க்கவென்று

பாடுபட்டு உழைச்சிடலாம்
பட்டகடன் தீர்த்திடலாம்
வீடுகட்டி வாழ்ந்திடலாம்
விரும்பியத வாங்கிடலாம்
என்று நான் கனவு கண்டே என்
நாட்டைவிட்டு இங்கு வந்தேன்
கண்டம் விட்டு கண்டம் வந்து
கண்ட புதுமையெண்டா
நாய் செய்யா வேலையெல்லாம்
நான் செய்தேன் கேளு புள்ள

வந்து ஒரு வருசமில்ல
பட்டகடன் தீரவில்ல
வேல செய்த கம்பனிய
மூடப்போறான் என்றறிந்து
பாய்ந்து நான் வேல செய்தன்
பரவால்ல சம்பளமும்
ஒரு மாசமாகவில்ல
தள்ளிவிட்டான் ஜெயிலுக்குள்ள
இருமாசத்தால் வருவன்
அங்க வந்து தொழில் செய்ய
ஆனமுதல் ஏதுமில்ல
எடுடி புள்ள லோண் ஏதும்
தொழில் செய்து கடன் கட்ட!

கிழக்கில் அதிசயங்கள்!

2009-10-25T16:27:00.003+05:30

ஈழத்தின் கிழக்கு மாகாணத்தில் அண்மைக்காலமாக பல்வேறு அதிசயிக்கத்தக்க சம்பவங்கள் இடம்பெற்று வருகின்றன.மட்டக்களப்பு வந்தாறுமூலையில் உள்ள கண்ணகி அம்மன் கோயிலினுள்ளிருந்து(கோயில் மூடிய நிலையில்) சில தினங்களில் குறிப்பிட்ட சில வேளைகளில் சிலம்போசை கேட்டதை பல இடங்களிலிருந்தும் மக்கள் சென்று கேட்டது அந்த அதிசயிக்கத்தக்க சம்பவங்களில் ஒன்றாகும்.

மற்றுமொரு சம்பவம் திருக்கோயிலை அடுத்துள்ள காஞ்சிரங்குடாவில் வறட்சி காரணமாக நிலம்வெடித்துள்ள மேட்டு நிலப்பகுதியில் நீர் ஊற்றெடுத்து வெளியேறியமையாகும்.பக்கத்திலுள்ள நிலம் வறட்சியினால் வெடித்துள்ள நிலையில் இது அதிசயம் என்றே மக்களால் கருதப்படுகிறது.

மட்டக்களப்பு கல்லடியில் பிள்ளையார் ஆலய வளாகத்திலுள்ள பெரிய வேப்ப ம‌ரத்தின் கிளைகளிலிருந்து தேன் போன்று ஒரு திரவம் வடிந்து கொண்டிருப்பது மற்றுமொரு அதிசயமாகும்.இந்த திரவம் இனிமையாகவும் வேப்பம் பழத்தின் சுவையுடையதாக உள்ளது என்பதும் குறிப்பிடத்தக்கது.

மற்றுமொரு அதிசயிக்க தக்க நிகழ்வாக கல்லடி பேச்சியம்மன் கோயிலிலுள்ள‌
தேற்றாமரத்தில் அம்மன் உருவத்தின் படிவினையும் மக்கள் தரிசித்து வருவதும் குறிப்பிடத்தக்கது. இதில் பல கடவுள்களின் உருவமும் தெரிவதாகக் கூறும் மக்கள் சிலருக்கு தோன்றவில்லை என்றும் குறிப்பிடுகின்றனர்.

இதற்கு முன்னரான இடுகையில் நிந்தவூரில் வெளிப்பட்ட கடற்கன்னி பற்றியதகவல் இடம்பெற்றிருந்தமை குறிப்பிடத்தக்கது.

அதிசயம்! ஆனால் உண்மை!

2009-10-22T17:24:00.008+05:30

கடற்கன்னி உருவிலான மனித மேற்பாகமும் மீனின் வாற்பாகமும் இணைந்த தோற்றமொன்று 21. 10 .2009 அன்று நிந்தவூர்க் கடற்கரையில் சடலமாகக் கரையொதுங்கியது. வீடியோ படத்தைப் பாகம் பாகமாகப் படமெடுத்து இங்கு காண்பிக்கப் படுகிறது. ஒருசில மணி நேரத்துள் மக்கள் இதனை அடக்கம் செய்து விட்டனர்.

-நன்றி சகாதேவராசா

திரு(மதி)புகழ்

2009-10-21T12:34:00.006+05:30

அத்தைக்கொருமகள் முத்தை நிகர் கிளி
தத்தத் தனவென நர்த்தனமிடுமயில்
எட்டாதொருமொழி கற்றுப் பயின்றவள் எழிலோத‌

மெட்டி யணிந்தவர் கடுக்கனணிந்தவர்
கட்டிக்கொளவென காதல் செயவென‌
சுற்றித்திரிந்தவர் பலபேர்கள்

வெட்டிப்பயலவன் கட்டிக்கொடுத்திடில்
குட்டிப்பெண் மகள் குறைகள் வருமடி
வேண்டாமவனெனச் சொன்னா ரென்மாமன்

அவழுக்கிணையிலை அழகிற் கலைமகள்
மெத்தப்பெருந்தொகை அழகுப்பொருள்கொள‌
கட்டாதென் தொழில் வருமானம்

பணத்திற் பிறந்தவள் குணத்திற் சிறந்தவள்
பத்துப்பவுணுடன் வேண்டும் ஒருகொடி
கட்டிக்கொள அவள் கழுத்திற்கொரு தாலி

அத்தைக் கென்றும் நானோ பெருமகன்
மகளுக்கென்றும் நானே மருமகன்
மட்டிப் பயலவன் தட்டிச் சென்றிட விடுவேனோ

மாலையிட வாராயோ?

2009-10-17T11:42:00.004+05:30

சோகமே முகவரியாய்-எந்தன்

வாழ்க்கையின் தலைவிதியோ?

மேகமே கலையாதோ -அந்த

வெண்ணிலவின் ஒளிபடவே

தேவி நீ இல்லாமல்-இந்தப்

பாவி நான் வாடுகிறேன்

தேன்துளி கசக்குதடி-எந்தன்

தேவி நீ இல்லாமல்

பூ மலர்ந்து மணம் தருமே-எந்தன்

பூமகள் கூந்தலெங்கே?

காதலுக்கு வேலியிட்டு

காவல் செய்யும் கொடுமையென்ன?

மான்விழி மலர்விழியாய்

நான்புகழ்ந்த விழிகளெங்கே?

உன்னைத்தினம் காணாமல்

தூங்குதில்லை என்விழிகள்

கன்னி உந்தன் நினைவுகளால்

கண்ணில் இந்த நீர்துளிகள்

மண்ணைவிட்டுப் பிரிந்தாலும்

உந்தன் நினைவுகள் மாறாது

கங்கையில் விழுந்திடவோ-எந்தன்

கண்மணியைத் தேடிடவோ

என்கையில் இருந்தகிளி

எங்கே போய் ஒழிந்ததடா?

மங்கை எந்தன் மலர்க்கொடியே

மாலையிட வாராயோ?

விழி நீர் செலுத்த வந்து விடு!

2009-10-13T15:46:00.007+05:30

கனவில் வந்த காதலியே!

காதலை என்னுள் வளர்த்தவளே!

மனதில் நின்ற தேவதையே‍ - என்

மனதை நிறைத்துக் கொண்டவளே

கவிதை பாடப் பொருள் கொடுத்தாய் -என்

கற்பனையெல்லாம் பறித்தெடுத்தாய்

வாழ்க்கை உனக்கு விளையாட்டா -என்

உயிரை அதில் நீ பணயம் வைக்க‌

எட்டிக்காயாய் ஆனேனோ -நீ

எட்ட நின்று பார்க்கின்றாய் -உன்

பார்வையில் ஏனடி பனிமூட்டம் -நான்

பார்வையிலிருந்து மறைகின்றேன்

மட்டி மடையன் நானல்லோ?-உன்

மனதைக்கூடப் புரியாமல்

கட்டிக்கொள்ள நினைத்தேனே‍ -என்

கற்பனையை நான் என் சொல்ல?-உன்னை

அணைக்க முடியாமல்

சாவை அணைத்துக் கொண்டேனால் -என்

கனவுகள் உன்னைத்துரத்துமடி

நினைவுகள் உன்னை வருத்துமடி

கல்லறையில் பூ மலர்வதனால் -என்

கனவுகள் என்ன உயிர் பெறுமா?

மணவறையில் என் கரம் பிடியா நீ -என்

பிணவறையில் ஏன் மரம் நடுவாய்?

உன்னை ஒருவன் அணைக்க முதல் -நான்

சாவை அணைத்துக் கொள்கின்றேன்

விழிகள் உனக்கு இருக்குமெனில் -நீ

விழி நீர் செலுத்த வந்து விடு! -என்

நினைவுகள் உன்னுள் இருக்குமெனில்

நினைவஞ்சலியும் செலுத்திவிடு!

நிலாச்சோறு!

2009-10-13T08:23:00.004+05:30

முழு நிலவில் பால் கறந்து
நிறைபானை பொங்கல் வைத்தோம்
இரவென்றும் பாராமல்
ஊரெல்லாம் பகிர்ந்திட்டோம்
சுற்றமெல்லாம் சேர்ந்திருந்து
முற்றத்திற் கதைபேசி
முழுவதையும் உண்டார்கள்!
காலை விடிகையிலே
பானையதும் காலியாச்சு
மறு இரவும் பொங்கலிட்டோம்
பி(ப)டியரிசி குறையாக‌....
எனினும்
முன்னிரவுபோலே
முறையாகப் பங்கிட்டோம்
தொடர்ந்து வந்த இரவுகளில்
ஒவ்வோர் பி(ப)டியரிசாய்க் குறைத்திட்டோம்

பானையதும் குறையாக
ஊர்வயிறும் அரைவயிறாய்....
ஒரு நாள் மட்டுமிங்கே
பானையிட அரிசில்லை
மாதமொரு நாள்
மக்களெல்லாம் பட்டினியாய்...

இதயமல்ல கருங்கல்!

2009-10-05T05:30:00.003+05:30

தொடராய் ஓடும் நதியின் நீரால்
கல்லுங்கூடக் கரைந்திடுமாம்
கண்கள் சிந்தும் உவர் நீர்க்கடலில் -‍உன்
இதயம் ஏனடி கரையவில்லை?

காதல் என்னும் சுழல் நீர் உள்ளே
என்னைப் பிடித்துத் தள்ளி விட்டாய்
மீழத்துடிக்கும் எந்தன் தலையில்
நினைவுகள் கொண்டு தாக்குகின்றாய்

மழை மேகம் அழிந்தாற்கூட‌
வானவில் வர்ணம் மாறுவதில்லை
சிலையாய் எந்தன் நெஞ்சில் நிற்கும்
வஞ்சியுன் எண்ணம் மாறியதேனோ?

உனக்கும் இதயம் உண்டென்று
உண்மையில் நானும் நினைத்திருந்தேன்
கனக்குமென் மனச்சுமை அறியாத‍-கருங்
கல்தான் உனக்குள் இருக்கிறது

உன் இதயம் என்னும் கருங்கல்லை -என்
மனதில் சுமந்து வலி கொண்டேன்
எவரெஸ்ட் சிகரமென் றறிந்திருந்தால்
அதன்மேல் ஏறி அமர்ந்திருப்பேன்!

உழவன்!

2009-10-02T08:53:00.005+05:30

பறந்திடும் புழுதியில்
மறைந்திடும் மனிதன்
யாரவனென்று பாருங்கள்!
பலர் வாழ்ந்திட உடல் நீர்
உரமாய்ச் சிந்தும்
உழவன் அவனே கடவுளடா!

அவன் உடம்பினில் தெரியும்
நாளங்களெல்லாம்
உலகுக்கு உயிர்தரும் ரத்த அருவி
அரை வயிற்றுக்கு உணவு
அரையினில் துண்டு
ஆண்டவன் எளியவன் பாருங்கள்!

வரம்பினில் உண்டு
வயல்தனில் தூங்கும்
அவனே உலகின் அச்சாணி
அவன் நரம்புகள் சொல்லும்
வழ்க்கையின்கீதம் வாசித்துப் பாருங்கள்!

காற்றினில் மழையினில்
கடும் வெயில் பனியினில்
வீட்டையும் மறந்து அவனுழைப்பான்
தூற்றிய பதருடன்
கனவுகள் கலையும்
துயரம் நீங்கள் அறிவீரோ?

மண்ணைப் பொன்னாய்
மாற்றிடும் மாற்றிடும் உளைப்பு
மந்திர வித்தை ஜாலமல்ல‌
பயிர்களினுள்ளே களையெடுக்க‌
அவன் உடற்களைகூட ஓடிவிடும்

ஏர் தொழும் அவனும் வாழ்வதற்கு
ஏது நீசெய்வாய் வழியதற்கு?
சுரண்டாதே நீ அவனுழைப்பை
சுகமாய் வாழ அவனை விடு!
அவனது கனவு குழந்தையின் வாழ்க்கை
அதற்கொரு வழியை நீ காட்டு!

வாழ வழி விடுங்கள்!

2009-09-27T08:00:00.005+05:30

அரும்புகள் சருகாவதோ-இவர்
இரும்பாக உருவாவரோ-இல்லை
கரும்பாக உயிர் மாழ்வரோ?

வாழ்நாளே இருளாவதோ-இல்லை
வருங்காலம் ஒளியாகுமோ-இவர்
வருங்காலம் ஒளியாகுமுா?

நிகழ்காலம் வாழ்ந்தாக
எதிர்காலம் இரையாவதோ-இவர்
எதிர்காலம் இரையாவதோ?

துன்பக்கடலோடு விளையாடி
கரைமீது இவர் சேர்வரோ-இன்பக்
கரைமீது இவர் சேர்வரோ?

உலைமீது கரியாக
இவர் செய்த வினையேதம்மா?-இந்த
விதியென்னும் சதியேதம்மா?

உலகத்தின் புதுவேர்கள்
உலைமீது கரியானால்
நிலையாகப் புவி நிற்குமோ?-இங்கு
நிலையாகப் புவிநிற்குமோ?

விலைபேசி இவர் வாழ்வை
வீணாக்கும் கொடியோரே-உங்கள்
பிணங்கூடப் பணந்தின்னுமோ?-இல்லை
பணங்கூடப் பிணந்தாங்குமோ?

வாழப் பிறந்தோரே வழி விடுங்கள்-இவர்கூட
வாழ வழி விடுங்கள்-வலிக்கும்
இவர் பாதம் தடவிடுங்கள்!

உனது மொழி!

2009-09-09T14:14:00.002+05:30

ஓ..! எந்தன் கனிமொழி!
உன் விழி கற்றதெங்கோ!
நீ மொழி கற்றதெங்கோ!
நீ பேசுவது மொழியா?
இல்லை
உன் மொழி பேசுவது விழியா?
ஏனோ உன் செவ்விதழ்கள்
மொழி பேச மறு(ற)க்க‌
தீட்டிய மைவிழிகள்
கவிதை சொல்ல வாய் திறக்கும்!
சில மொழிகளுக்கு ஒலி மட்டும் உண்டு
சில மொழிகளுக்கு ஒலி வரி இரண்டுமுண்டு!
ஆனால் இரண்டுமில்லா மொழியுமுண்டு
அதுதான் நீ பேசும் மௌனமொழி!

மெல்லச் சுவைக்கும் கல்லவள் இதழ்கள்

2009-09-03T08:22:00.003+05:30

மெல்லிடை மெல்லெனக்
காற்றினில் ஆடுது
மெல்ல மெல்லச் சுவைக்கும்
கல்லென உன் இதழ்கள் இனிக்கும்

பூங்கொடி மேனியில்
பூத்த வெண் பூவெனப்
பல்வரிசை சிரிக்கும்
பொன் நகைகள் உதிர்க்கும்

உன் கண்களில் பிறந்திடும்
மொழியதன் அழகினில்
கவி வரிகள் பிறக்கும்
மனம் சுமைகள் மறக்கும்

பொன்மகள் கன்னத்தில்
சுருண்டிடும் கேசங்கள்
சிறு தூண்டில் வளைக்கும்
கயல் மீன்கள் பிடிக்கும்

சிற்றிடை தாங்கிய பட்டணி
உன் எழில் ஒளியினில் ஜொலிக்கும்
எனைக் கட்டிட வாவென
முட்டிய உன்னழகழைக்கும்

என் கனவு கற்பனை காதல்!

2009-08-24T17:01:00.008+05:30

ஏனோ என் கனவுகள் கற்பனைகளுக்குக்கூட
என்னோடு வாழப்பிடிக்கவில்லை.
அவை என்னிடம் சொல்லிக் கொள்ளாமலே
என்னைவிட்டுப் பிரிந்து சென்றுவிட்டன

நானே இராஜாவும் மந்திரியுமாய்
இராஜாங்கம் செய்த
எனது கனவு சாம்ராஜ்ஜியத்தில்
நான் கட்டிய
கோட்டைகள் கொத்தளங்களெல்லாம்
எனக்கே காட்சிதர மறுக்கின்றன

மூடமறுக்கும் எனது விழிகளில்
கனவுகளெல்லாம்
அஸ்தமனமாகிப்போனதுதான் காரணமாம்
பைத்தியகார வைத்தியர்கள் சொல்லிக்கொள்கிறார்கள்

நான் மறந்துபோன எனது இறந்தகாலத்தில்
அதிககாலம் படுக்கையில் கிடந்ததால்தான்
நித்திரைகூட காய்ந்து சருகாகிப்போனதாம்.

நான் படுக்கையில கிடந்ததெல்லாம்
நித்திரைக்காக அல்ல
நிஜமாகத்தெரிந்த சொப்பனங்களின் சுகத்தை
சுவாசிப்பதற்காகத்தான்

இதை
நான் திரும்பத் திரும்பச் சொன்னாலும்
நம்புவதற்கு யாரும் தயாரில்லை
காரணம்
எல்லோரும் நம்பிக்கையைத் தொலைத்துவிட்டதுதான்

கனவுகளில் வாழ்ந்திருந்த
என் கடந்த காலத்தில்
கற்பனைகளைக்கூட
சேமித்து வைக்க
கொள்கலங்களுக்கே பஞ்சமாய்ப்போனதால்
அவை குப்பைத்தொட்டிகளிலேனும்
ஒதுங்கியிருக்குமோ என்ற
நப்பாசையுடன்
கைகளை விட்டுத் துளாவுகையில்
எனது கைகளில்
அகப்படுபவையெல்லாம்
மரணித்துப்போன எனது காதலின்
உதிர்ந்து விழுந்த இறகுகளைத் தவிர
வேறொன்றுமில்லை

குப்பைகளெல்லாம் உலகை ஆழப்போனதால்
குப்பைத்தொட்டிகளாவது
ஒதுங்கிக்கொள்ளக் கிடைத்ததே என்று
நிம்மதிப்பெருமூச்சு விட்டுக்கொண்டன
எனது காதலின் சுவடுகள்.

இயற்கை தந்த இன்ப ஊற்று!

2009-08-07T09:53:00.008+05:30

காடழித்தார் களனி செய்தார்
காபனையும் உயர வைத்தார்
சூழற்சம நிலையை
சூழ்ச்சியினால் உயர வைக்கும்
மானிடவர் செய்கையினைச்
செங்கதிரோன் ஏற்கவில்லை
கோபக்கடுங்கனலைக்
கொட்டி அவன் இறைத்திட்டான்.
தேகம் விதிர்விதிர்த்து
திரண்ட நீர் உடல் பனிக்க‌
காகம் குருவியினம்
கனமிருகம் இவையெல்லாம்
ஓலமிட்டு உயிர் தவிக்கும்

பாகம் பாகமதாய்

பயிர் நிலங்கள் வாய் பிளக்க‌

சாகத்தான் வேளையிதோவென்று

சனங்களெல்லாம் பரிதவித்தார்

பிள்ளை செய்த குற்றத்தை

பெற்றோரே பொறுத்தல் போல்

கள்ளமில்லா இயற்கையன்னை

கைகொடுக்க உளம் நினைந்தாள்

மெள்ள மெள்ள ஆங்காங்கே

மென்பஞ்சைத்தூவி விட்டாள்.

அள்ள அள்ளச் சுரக்கும்

அமுதசுரபியல்லோ இயற்கையன்னை

மேகத்திரள்களெல்லாம்

மேல்வானிற் சேர்ந்தனவே

வேகத்தால் ஓடிய அம்மேகங்கள்

ஒன்றையொன்று மோகத்தால்

முத்தமிட்டுக் கண்சிமிட்டும்‍- அவை

"இச்"சொலியின் சத்தத்தால்

இச்சகத்தில் அச்சமெழும்.

நகக்கீறல் செம்மையதே

நானிலத்தில் மின்னலதாம் புணர்ச்சி கொண்ட மேகங்கள்

நீர்க்குழந்தைச் சூல்கொள்ள‌

கற்பமுற்ற அவை வயிறு

மட்குடம்போல் ஆயினவாம்

நீர்க்குழந்தை வயிற்றிலிரான்

நிலந்தவழ ஆசைகொண்டான்

தாய் வயிறு உதைத்து அவன்

தரணி வரச் சண்டை செய்தான்

வயிறுழைந்த வான் மகளும்

வாந்திவர வாய் திறந்தாள்

பதனீர்க்குடமுடைந்து

பார் மேற் தேன் பொழிய‌

தாகத்தாற் தவித்த பயிர்

தலை நிமிர்ந்து சிரிக்குதடா!
நீரோடிமேனி தொட‌

நிலமடந்தை வெட்கித்து

நீராடி உடல் துடைத்து

மரகதப் பட்டணிந்து கொண்டாள்

வேரோடி மரம் செழித்து

காய் கனிகள் நிறைந்தது காண்!

போராடி வெல்வாயோ

இயற்கையை நீ சொல்லு!

இயற்கையன்னை மார்புகளாம்

உயர் பெரிய மலைகளிலே

பால் சுரந்து ஊற்றெடுத்துப்

பசி தீர்க்க ஓடியதாம் குட்டை குளம் நிறைந்து

குதூகலித்து ஓடிய நீர்

வட்டைக்குட் பாய்ந்து

வயல் நிறைந்து நின்றதம்மா!

மலையருவி தந்த நீரே

வயலருவி விழைத்தது பார்!

குறுந்தாவரம்!

2009-07-25T12:08:00.007+05:30

சொந்த முயற்சியால்

உழைத்து வாழத்தான்

எனக்கும் விருப்பம்

ஆனால்

என்னைச் சிறைப்பிடித்த

மனிதக்காதலோ

என்னை எதற்கும் விடவில்லை

நான் மரணித்தால்

அதை ஜீரணிக்காது

நான் வாழ்வதைப்பார்த்தும்

அது வாழாவிருக்காது

அது முதலாளித்துவ முரட்டுச் சிந்தனைகள்

அத்தனையாலும்

என்னைக் கட்டிப்போட்டுள்ளது

அது தொழிலாழி வர்க்கத்தை

வாழவும் விடுவதில்லை

மாழவும் விடுவதில்லை

எது நடந்தாலும்

வீழ்ச்சி முதலாழிவர்க்கத்துக்கே என்பதால்

எனது விரல் நுனிகள் ஒவ்வொன்றும்

சீராக வெட்டப்படும்

சமகால இடைவெளியில்

அதே இடைவெளியில்

மருந்துமிட்டுக்கட்டப்படும்

நிலைமாறும்.............!

2009-07-15T17:23:00.000+05:30

சாமி நீயே வரங்கொடடி

2009-07-04T11:39:00.010+05:30

என்ன எந்தன் கண்மணியே
ஏதும் இல்லை நிம்மதியே
வாழும் வழி ஏதுமுண்டோ
வார்த்தை ஒன்று சொல் கிளியே

சாதுவாக நானிருந்து
சாதித்தது எதுவுமில்லை
மாது உந்தன் துணையிருந்தால்
மன்னவனாய் நானிருப்பேன்

மாமிமகள் நீயெனக்கு
மந்திரியாய் வாய்த்துவிட்டால்
பூமியை நான் ஏய்த்திடுவேன்
புகழ் பலவும் சேர்த்திடுவேன்

கோயில் குளம் சென்றுகூட
சாமியை நான் கண்டதில்லை
பூமி போலப் பொறுத்திருக்கும்
பொறுமை எனக்கில்லையடி

தேவி நீதான் தெய்வம் என்று
தினந்தினம் நான் தேடிவந்தேன்
சாதிக்க வேணுமென்று
சாமி நீயே வரங்கொடடி

அறிவித்தல்!

2009-07-02T17:17:00.002+05:30

விகடனில் எனது மற்றுமொரு கவிதை வெளியிடப்பட்டுள்ளது என்பதை நண்பர்களுக்கு மகிழ்வுடன் அறியத்தருகின்றேன். விகடனுக்கும் நன்றிகள். இதுதான் சகுனம்

அத்தை மகன் முத்தமிட்டால்....

2009-07-02T12:57:00.010+05:30

நீரருவி ஓடலாமா?
நீலவிழி காயலாமா?
அத்தை மகன் முத்தமிட்டால்
அகிலத்தையே அழைக்கலாமா?

என்னவோ ஏதோவென்று
எல்லோரும் ஓடிவாறார்
வாயை மூடு கண்மணியே
வார்த்தை பேசி வம்பு செய்வார்

உதட்டாலே முத்தமிட்டு -உன்
உயிரை அவன் குடித்தானோ?
பயத்தாலே அழுகிறியே -அவன்
பாசத்தினால் முத்தமிட்டான்

உதட்டீரம் எச்சிலென்று
ஒப்பாரி பண்ணுகின்றாய்
திகட்டாமல் இனிக்குமது
தேன்துளியாய் ஒருபோது

அத்தை மகன் உன் கணவன் -நான்
ஆக்கினைகள் பண்ணமாட்டேன்
கண்மூடி நீ துயிலு -உன்
மன்னவனை உபசரிப்பேன்

நன்றிகள்!

2009-06-28T13:10:00.002+05:30

தமிழரசியின் வேண்டுகோளுக்கிணங்க விகடனுக்கு அனுப்பி வைக்கப்பட்ட “மலர்“ கவிதையை விகடன் வெளியிட்டுள்ளது. விகடனுக்கும் தமிழரசிக்கும் எனது நன்றிகள்!

என்னை ஒன்றும் செய்யாதே!

2009-06-26T11:20:00.008+05:30

சின்னப் பூனைக் குட்டி நான்

சிறுத்தைப் புலி அல்லவே

வேண்டாம் என்னை விட்டிடு

விபரீதங்கள் விளைந்திடும் !

தொட்டதில்லை ஆயுதம் நான்

சுட்டதில்லை யாரையும்

கெட்ட கெட்ட வார்த்தை பேசி

கேடும் விளைத்ததில்லையே !

கண்ணை மூடி மதுவருந்தும்

மானிடரின் செய்கையைக்

கண்டுதானே பாலைக் கூடக்

கண்ணை மூடி அருந்தினேன்

உந்தன் செய்கை செய்வதால்

என்னை மனிதன் என்பீரோ ???

என்னைப் போல ஒருவன் செய்தால்

என்னைக் கூட வைவீரோ ??

பூனை போலப் பதுங்கி ஒருவன்

புலி போலப் பாய்ந்திடில்

என்னை கூடப் புலியென்று

எண்ணிடுதல் நியாயமோ??

உனக்குக்கூட உதவிதான்

எந்தன் செய்கை மனிதனே!

எலிப் பிடிக்கப் பதுங்கினேன்

என்னை ஒன்றும் செய்யாதே!

மலர் அல்லது மானம்

2009-06-25T13:02:00.007+05:30

மொட்டொன்று அரும்பியது

மலரும் நாள் பார்த்திருந்தேன்

சட்டென்று ஒரு நாள் -என்

முகம் பார்த்து சிரிக்குமது

மட்டில்லா மகிழ்ச்சி கொள்ளும்

மணந்து நான் சுகம் பெறுவேன் .....

கட்டவிழ்ந்து ஓடிய என்

கற்பனைக்கு முடிவாக

சட்டென்று ஓர் காலை

சொட்டென்று தேன் வழிய

சுந்தரியாள் முகம் மலர்ந்தாள்

எட்ட மணம் வீசும் அத்தர் மணத்தழகி

அவளுக்கே அபாயமென்று

அவளறியாள் அவள் கவர்ச்சி

கண்பட்ட கன்னியரின்

கற்பதனை சூறை கொள்ளும் கயவனாம்

எங்கிருந்தோ வந்ததோர் கருவண்டு

பார்த்திருந்த என்னெதிரே

பலாத்காரமாய் முத்தமிட்டு -அவள்

கற்பதனை காவுகொண்டு கர்ச்சித்துப் பறந்ததடா!

மனமழிந்து முகம் கசங்கி-என்

மங்கையவள் தலை குனிந்தாள்

உள்ளமெலாம் நோக உணர்வெல்லாம் கெட்டழிய

ஒரு பொழுதே எந்தனுக்கு

யுகமொன்றாய் கழிந்தது காண்!

சிந்தனையே கனவாக நொந்தலைந்த மனத்தோடு

காலை விடிந்தவுடன்

கண்மணியாள் பக்கம் சென்றேன்!

கண்டதோர் காட்சியதால்

தலை சுற்றி நிலம் சாய்ந்தேன்!

மானமொன்றே பெரிதென்று-என்

மங்கையவள் கருதியதால்

வாழப்பிடிக்காமல் வையகத்தில் இருக்காமல்

அங்கங்கள் சிதற அவள்

அழித்திருந்தாள் வாழ்வதனை!

நாங்களே படைத்தோம்!

2009-06-24T12:51:00.005+05:30

சொர்க்கமென்றேதோ சொன்னார்கள் முன்னோர்கள்! நரகத்தில் உள்ள நாங்கள் அதைத்தான் தேடுகிறோம்! வாருங்கள் நீங்களும்...............

கண்டுபிடித்து விட்டேன். நீங்களும் நானும் கற்பனை செய்த நரகம் வேறெங்குமில்லை. இங்குதான் இருக்கிறது. இந்த நரகத்தில் எல்லாமே அனுபவித்தாகிவிட்டது. இனியொரு நரகம் இருக்காது. அதுதான் பட்டினத்தார் ஸ்டைலில் நானும் இறங்கிவிட்டேன்.

மனித மாடுகள் உருவாக்கிய சாக்கடையில் சறுக்கி விழாமல் இருக்க இவ்வளவு அவதானம் தேவையாக இருக்கிறது.

தாலி?

2009-06-20T09:41:00.004+05:30

தாலி என்பார் வேலி என்பார் -கைக்

கூலி என்பார்

போலிச் சடங்கு செய்வார்

பொன்னணிகள் பூண்டிடுவார்

வேலி என்று சொன்னவர்கள்

விலங்காகக் கருதினரோ ?

விளை பயிராய்க் கருதினரோ?

நீங்களும் சுவைக்க..

2009-06-17T12:36:00.003+05:30

-நன்றி குங்குமம்

இல்லாளாய் இரு பெண்ணே !

2009-06-16T11:13:00.007+05:30

இல்லாளாய் இருக்கவென்று

இளமையிலே பலதும் கற்றாய்

நல்லியலாய் மெல்லியலாய் சொல்லியலாய்

இவையெல்லாம் உன்னிடத்தே

தொல்லியலாய் வந்த பண்பன்று

தோற்றுவித்தார் வையகத்தோர்

இல்லாளாய் இருப்பதற்கு

இவை வேண்டாம் உந்தனுக்கு

வல்லாளாய் இருப்பதென்றால்

வையகத்தில் வாழ்வதென்றால்

அச்சம் மடம் நாணம் பயிர்ப்பு

இவைகள் இல்லாளாய் இருந்து விடு!

மனிதன் தெய்வமாவது..

2009-06-09T16:58:00.003+05:30

மதம் பிடித்த மனிதம் விரும்புவதில்லை
விலங்குகளுக்கு மதம் பிடிப்பதை
ஆனால் ,
மதம் கடந்தும் வாழும் மனிதம்!

மனிதம் ஒரேயடியாக மரணிக்கவில்லை
சில இடங்களில் மௌனித்தும்
சில இடங்களில் பலவீனப்பட்டும்

இன்றும் வாழ்ந்துகொண்டுதானிருக்கிறது

சிலர் கற்புக்கரசிகளைப் பட்டியலிடுவது போன்று

மனிதாபிமானிகளைப் பட்டியலிட்டால்

இந்தத் தெய்வங்களிரண்டும் முதன்மை பெறும்!

கெட்ட குடி!

2009-06-03T12:36:00.001+05:30

இன்று காலையில் எழுந்ததிலிருந்து எத்தனை தடவைதான்
பாக்கியம் சாமியறைக்குட் சென்று தன் இஷ்ட தெய்வமான பிள்ளையாரை வணங்கிவிட்டாள். இதற்குமுன் எத்தனையோ தடவைகள் நடந்துபோன சம்பவங்கள் எல்லாம் அவள் மனதில் அலையலையாக வந்து திரும்பிக்கொனண்டிருந்தன.படலையருகில் நின்று நோட்டமிட்டுக்கொண்டிருந்த பாக்கியம் சலித்துப் போனவளாய் மீண்டும் சாமியறைக்குட் செல்கின்றாள்.

"அப்பனே பிள்ளையாரே! இந்தத் தடவையெண்டாலும் எந்தத் தடங்கலுமில்லாமல் இந்த வரன் அமைஞ்சி என் மகள் கீதாவோட வாக்ழ்கைக்கு ஒரு வழி பிறக்க நீதானப்பா துணை செய்ய வேணும்" என்றிவ்வாறாக பிரார்த்தித்துக்கொண்டாள் பாக்கியம். மீண்டும் படலையண்டைச் செல்கின்றாள். வீதியில் சென்று தன் கண்ணுக்கெட்டிய தூரம்வரை பார்வையைச்செலுத்துகின்றாள்.ஏமாற்றம்தான் அவளுக்கு மிஞ்சுகிறது.

பாக்கியத்தின் கணவன் கந்தசாமி படிக்காத ஒரு பாமரன்;குடிகாரன்; தோட்டச்செய்கையே அவனது தொழில். ஊருக்குள் அவனைப்பற்றி விசாரிப்பதென்றால் குடிகாரக்கந்தசாமி என்றே விசாரிக்க வேண்டும்.கந்தசாமி‍- பாக்கியம் தம்பதியினருக்கு மூன்று பெண்கள். மூத்தவள் கீதா, உயர்தரம்வரை படித்துவிட்டு வீட்டிலிருக்கின்றாள். மற்றவள் மாலா, சாதாரணதரம்வரைப் படித்துவிட்டுப் பரீட்சை எடுக்காமலே நின்றுவிட்டாள். இளையவள் லதா,ஒன்பதாம்தரம் படித்துக்கொண்டிருக்கின்றாள்.

கீதாவுக்கு இதற்குமுன் பல தடவைகள் கல்யாணம் கேட்டு வந்தபோதும் அவை அயலவர்களது தட்டுதல்கள் காரணமாக பேச்சளவிலேயே முடிந்து போயின.

"அவள் பிள்ளை கீதா ஏதோ பார்க்க அழகாக இருக்கிறாள் என்பது உண்மைதான்.ஆனால், அந்தக் குடிகாரக் கந்தசாமிர குடும்பத்துல‌ நீங்க பெண் எடுக்கிற எண்டுற விஷயம் எங்களுக்கு அவ்வளவு நல்லதாப் படல்ல.ஏதோ நாங்க சொல்லுறத சொல்லிட்டம். நீங்க உங்களுக்குப் பட்டமாதிரிச் செய்யுங்க" ஊரார் இப்படிச் சொல்லிச்சொல்லியே வந்த வரன்கள் எல்லாம் தட்டுப்பட்டுப்போக, கடைசியாக வந்ததுதான் இந்தச் சம்பந்தம். பக்கத்து ஊர் நடராசாவர்ர மகன் கீதன் கீதாவின் அழகிற்காகத்தான் அவள விரும்பி தம்பிராசாவர விட்டு விசாரிச்சவன். அவர்கள் நாளை பெண் பார்க்க வருவதாகச் சொல்லியிருக்கின்றார்கள்.

பெண் பார்க்க வருபவர்களை உபசரிக்க வேண்டாமா? அதற்காகத்தான் பாக்கியம் கீதாவின் காப்பு ஒரு சோடியைக் கந்தசாமியிடம் கொடுத்து அடகு வைச்சுப்பொட்டு சாமான்சக்கட்டு வாங்கிவரும்படி பல கட்டுப்பாடுகள் வச்சி ரவுணுக்கு அனுப்பியிருக்கிறாள்.காலையில் சென்ற கந்தசாமி மாலையாகியும் வீடு திரும்பாதது அவளுக்கு ஜீரணிக்க முடியாமல் இருக்கிறது. அதுதான் அவளது பதட்டத்துக்குக் காரணம். நேரமும் மாலை ஏழு மணியாகிவிட்டது. கந்தசாமி இன்னும் வீடு வந்து சேர்ந்த பாடில்லை.

பக்கத்து ஒழுங்கையில் நாய்கள் விடாமற் குரைத்துக்கொண்டிருக்கின்றன.
நேரமும் இரவு ஒன்பது மணியாகிவிட்டது. யாரோ ஒருவன் கோவணத்தோடு அங்கே தள்ளாடிக்கொண்டு செல்வது தெரிகிறது. ஆம்! அது வேறு யாருமல்ல நமது கந்தசாமிதான். " நான் உழைக்கிறன். நான் குடிக்கிறன்.ஆருடா என்னக் கேட்கிற ஆ...?" என்று இவ்வாறு வீரப்பிரதாபம் பேசிக்கொண்டு வந்த கந்தசாமியர் முத்துலிங்கத்தின் வளவுக்குள் நுளைகிறார்.
அங்கு முத்துலிங்கம் வயிற்று வலியால் அவதிப்பட்டுக் கொண்டிருக்க அவனது மனைவி இளஞ்சூட்டு நீரைப் போத்தலில் எடுத்து அவனது வயிற்றில் உருட்டிக்கொண்டிருக்கிறாள். வெறியோடு வந்த கந்தசாமிக்கு தன் மனைவிதான் இன்னொருவனுடன் இருப்பதாகப்படுகிறது. " ஆருடா அவன் வெட்டிப்போட்டிடுவன்" என்று சத்தமிட்டுக்கொண்டே அவர்களை நெருங்குகிறான் கந்தசாமி. முத்துலிங்கத்துக்கு இந்நிலைமை "மரத்தால விழுந்தவன மாடேறி மிதித்தமாதிரி" திடீரென்று துள்ளி எழுந்த முத்துலிங்கம் கந்தசாமியை பிடித்து நையப்புடைக்கின்றான்.

"வெறிகாரன விட்டிடுங்கோ, வெறிகாரனவிட்டிடுங்கோ " என்று முத்துலிங்கத்தின் மனைவி கத்திய சத்தத்தில் அங்கே சிலர் கூடிவிடுகின்றனர். அவர்கள் கந்தசாமியை பிடித்துத் தள்ளிக்கொண்டு அவனது வீட்டை நோக்கி நடக்கின்றனர்.

" இவனெல்லாம் ஒரு மனிசன் நாளைக்குப் பெண் பார்க்க வறாங்களாம். இந்த நிலையில். இருக்கிற வடிவா இது?" இது கூட்டத்தில் வந்த ஒருவரின் குரல்.
" இவண்ட போக்கால இல்லயா இதற்கு முதல் நாலைந்து இடத்தால வந்த வரன்களெல்லாம் தட்டுப் பட்டுப்போன" இது மற்றொருவர். இவ்வாறு கதைத்துக்கொண்டே அவர்கள் கந்தசாமியின் வீட்டு முற்றத்தை அடைகின்றனர்.

முற்றத்தில் சத்தங்கேட்டு பாக்கியமும் மக்களும் வீட்டுக்குள்ளிருந்து வெளியே வருகின்றனர்.பலபேர் மத்தியில் தங்கள் தந்தை நின்றிருக்கும் நிலையைக் கண்ட பெண்கள் மூவரும் வீட்டுக்குள் ஓடிவிடுகின்றனர். பாக்கியம் வீட்டுக்குட்சென்று ஒரு சாறனை எடுத்து வந்து கந்தசாமியின் முகத்தில் எறிந்துவிட்டு வீட்டுக்குட் செல்கின்றாள். ஊரார் சென்று விட்டனர்.

கீதா தனது படுக்கையறைக்குட் சென்று கதவைச் சாத்திக்கொண்டு தலையணையில் முகத்தைப்புதைத்தபடி விம்மும் சத்தங்கேட்கிறது.

கந்தசாமி முற்றத்தில் விழுந்து கிடக்கின்றான். ஒருவரும் இரவுச்சாப்பாடு சாப்பிடவில்லை. நேரமும் 10:00 மணியைக் கடந்துவிட்டது. கீதாவைத்தவிர எல்லோரும் கண்ணயர்ந்து விட்டனர். கீதா இப்படியொரு சந்தர்ப்பத்தைத்தான் எதிர்பாத்திருந்தவள் போலிருக்கிறது. சந்தடியெதுவுமில்லாமல் மெல்ல எழுந்து ஒரு தாளை எடுத்து அதில் என்னமோ எழுதுகிறாள். எழுதிய கடதாசியை மடித்துக்கொள்கிறாள்.

மெதுவாக நடந்து சென்ற கீதா தன் தாயின் பாதங்களை அவள் நித்திரை கலைந்துவிடாதபடி மெல்லத் தொட்டுக் கண்களில் ஒற்றிக்கொள்கிறாள். பின் தங்கைமார் இருவருக்கும் அருகிற் சென்று, அவர்களைச் சிறிதுய் நேரம் உற்றுப்பார்த்துக்கொண்டிருக்கிறாள். பின் சமையலறைப் பகுதியால் வீட்டை விட்டு வெளியேறுகிறாள்.

முற்றம் பெருக்குவதற்காக காலையில் நேரத்தோடு எழும் வழக்கமுடையவள் பாக்கியம்.இன்று வழமையைவிட சற்று முன்னரே எழுந்துவிட்டாள். எழுந்து முற்றத்துக்குச் சென்ற பாக்கியம் தான் கண்ட காட்சியால் நிலை குலைந்து போனாள்.எறும்புக்கூட்டம் கந்தசாமியின் உடலை மூடியிருந்தது.

"ஐயோ கடவுளே! எங்களை விட்டுப்போயிட்டயாப்பா..." பாக்கியத்தின் ஒப்பாரி அந்தப் பிராந்தியத்தையே அதிர வைத்தது. வீட்டுக்குட்படுத்திருந்த மகள்மாரும் ஓடிவந்து தலையில் அடித்துக்கொண்டு ஒப்பாரி வைக்கின்றனர். கீதா மட்டும் அவ்விடத்துக்கு வரவில்லை. அவள் ரோசக்காரிதான். சற்று நேரத்தில் கந்தசாமியை சுற்றி ஊர் கூடிவிட்டது.

கந்தசாமியின் வீட்டிலிருந்து ஆறேழு வீடுகள் தாண்டித்தான் முருகுப்பிள்ளையின் வீடு. ஒப்பாரிச்சத்தங்கேட்டு ஓடிவந்து தோட்டத்து வேலியாற் பாய்ந்த முருகுப்பிள்ளை தோட்டத்துக்குள்ளேயே நின்று கொண்டு " ஓடி வங்கோ! கீதா நஞ்சு குடித்துச் செத்துப்பொயிற்றாள். ஓடி வாங்கோ....."
என்று குடல் தெறிக்கக் கத்துகிறான்.

சற்று நேரத்தில் கந்தசாமியை அனாதையாக விட்டுவிட்டு எல்லோரும் தோட்டத்துக்குள் வந்துவிட்டனர்.

"என்ர மகளே கீதா நீ போயிட்டயாடி. உன்னை மணக்கோலத்தில காணமுதல் பிணக்கோலத்தில பாக்கிறேனேடி.." என்று பாக்கியமும், " அக்கா! எங்கள விட்டுப் போயிற்றயா அக்கா...." என்று இரு தங்கைமாரும் தலையிலடித்துக்கொண்டு ஒப்பாரி வைத்துக்கொண்டிருக்க, கூட்டத்தில் நின்றவர்களில் ஒருவன் கீதாவுக்குப் பக்கத்திற் கிடந்த ஒரு கடதாசியை எடுத்து சத்தமாகப் படிக்கின்றான்.

அன்புடன் அம்மாவுக்கு,

மகள் கீதா எழுதிக்கொள்வது, அம்மா நான் இந்த முடிவுக்கு வந்ததற்கு என்னை மன்னிக்கவும். நான் இந்த முடிவுக்கு வரக்காரணம் ...இவ்வாறு ஒரு பாடம்புகட்டுவதன் மூலம் அப்பாவைத் திருத்தி எமது குடும்பமும் நல்லதொரு குடும்பமாக சகலரும் மதிக்கத்தக்கவகையில் மாற்றி தங்கைமார் இருவரதும் வாழ்க்கையைச் சிறப்பாக அமைக்கவே. எனவே எனது இந்த முடிவு நியாயமானது என்றே எண்ணுகிறேன்.வருத்தப்படவேண்டாம். என் தங்கைமார் இருவருக்கும் எனது இறுதி வணக்கத்தைத் தெரிவிப்பதோடு நல்லதோர் வாழ்க்கைக்கு நிச்சயம் திரும்பப்போகும் அப்பாவுக்கு எனது வாழ்த்துக்களைத் தெரிவித்துக்கொள்கிறேன். அம்மா என்னால் அதிகம் எழுத முடியவில்லை. இத்துடன் முடிக்கிறேன்.

இப்படிக்கு
அன்பு மகள்
கீதா.

கடிதத்தைப் படித்து முடித்தவுடனே சொந்தக்காரர்கள் என்றில்லாமல் அவ்விடத்தில் நின்ற எல்லோரது கண்களிலிருந்தும் கண்ணீர்த்திவலைகள் சொட்டுகின்றன.

சற்று நேரத்தில் கீதாவின் உடலும் முற்றத்துக்கே கொண்டுசெல்லப்பட்டது. ஆண்கள் பந்தல் போடும் வேலையில் ஈடுபட்டிருக்கின்றனர். பெண்கள் கூடியிருந்து தங்களுக்குட் பலவாறு பேசிக்கொள்கின்றனர்.பாக்கியம் மூர்ச்சித்துப்போனாள். இரு பெண்களும் பிரமை பிடித்தவர்களாய் இரு சடலங்களையும் மூர்ச்சித்துப்போன தாயையும் வெறித்துப்பார்த்தபடி இருக்கின்றனர்.

பெண் பார்க்க வருபவர்களை கோள்சொல்லித் திருப்பிவிட இன்று ஊருக்குள் ஆட்கள் இல்லாத‌தால் மாப்பிள்ளை வீட்டாரின் கார் வந்து கேற்றடியில் நிற்கிறது.

மறுபிறப்பு!

2009-05-29T11:37:00.004+05:30

மறுபிறப்பை ஏற்கும் எங்கள் மதம்
எண்தொடரில்
எத்தனையாம் பிறப்பதுவோ எந்தனுக்கு?
யானறிதல் கூடுதில்லை மர்மமதை!

மறுபிறப்பு???
என்ன பம்மாத்தோ
பாரினில் இப்பழங்கதைகள்!
நானறிய முடியாத மறுபிறப்பை
நம்பவைக்கும் நயமான பரப்புரைகள்!
அப்படித்தான் என்றாலும்,
இச்சென்மத்தில் எந்தனுக்கு
சென்ற பிறப்புப் பற்றி
மறதியும் கிறதியுமாய் இருப்பதன் மர்மமென்ன?
எப்படித்தான் நினைத்தாலும்
என் மனதுக்கேற்பில்லை‍‍ -எம்
மதம் கூறும் மறு பிறப்பும்!

உடலிரண்டில் உள்ளமொன்றாய்
காதலித்துப் பல நாள்
கதை பேசித்திரிந்து விட்டுக்
காய் வெட்டிப் போனவளை
கை கழுவி விட்டு விட்டுத்
தூயவள் ஒருத்தியை நான்
கைப்பிடித்து வாழும் வாழ்க்கை
மறு பிறப்பு என்றிடலாம்
ஏனென்றால்,
கடந்து போன என் வாழ்க்கை
கனவாய் வந்து மறைகிறது -அவள்
கசக்கி எறிந்த என் இதயம்
சுருக்கம் நிமிர்ந்து மிளிர்கிறது!

பாட்டுக்குயில்!

2009-05-17T11:24:00.004+05:30

சுந்தரத் தமிழில் எந்தன்

மந்திரக் கனிமொழியை

வந்தனை செய்தே -கவி

பாடு குயிலே !

...

பத்தரை மாற்றுத்தங்கம்

பவளவாய்ப் பசுங்கிளியை

முத்திரை பதித்த பின்னர் -என்

நித்திரை கலைந்ததடியே

...

சித்திரை கடந்த பின்னர்

வைகாசியில் திருமணம்

வாழத்தெமக்கு கூறுகின்றாய்

வரிக்குயிலே!

...

எத்தனை நீ பாடினாலும்

அத்தைமகள் நித்திரைக்கு

பங்கமேதும் செய்திடாதே

பாட்டுக்குயிலே!

...

நித்தமும் உன் பாட்டொலிக்கு

நிஜவடிவம் தரும் கொலுசை- என்

அத்தை மகள் அணிந்திருக்காள் -சத்தத்தில்

ஓடிடாதே காட்டுக்குயிலே!

அத்தைக்கே நன்றி சொல்வேன்!

2009-05-13T12:27:00.008+05:30

அடி ஓடி நீ வாடி-என்

ரோஜாப்பு நீ வந்து முத்தங்கொடுடி

என் கண்ணாட்டி நீ வந்து கட்டிக்கொள்ளடி

சின்னப் பொண்ணாட்டம் நீ துள்ளிக் குதிக்கையிலே

என் ஆவி பறக்குதடி

(அடி ஓடி....)

சின்ன வாவா என்று உன்னையன்று அழைத்தேனே

தின்ன வாவா என்று என் உயிரைக் குடிக்கிறியே!

உன்ன பாவாடை தாவணியில் காண்கையிலே

பூவாடை என் நாசில் தவழுதடி-என்

மாமாட மாமி பெத்த மரிக்கொழுந்தே-உன்ன

மந்திரத்தால் புசை செய்து பாடட்டுமா?

(அடி ஓடி...)

மூக்குத்திதான் உன்னழகைக் கூட்டிடுதா- இல்ல

முழு நிலவு உன் அழகை விஞ்சிடுமா?-நெஞ்சில்

பூக்குத்தி நான் உன் பெயரைக் காட்டட்டுமா?- புள்ள

நீயன்றி என் மனதில் யாருமில்ல.

தாக்கத்தி போல் வளைந்த அந்த தடிப்பயல் பாக்கிறதா

தம்பி வந்து சொல்கையிலே தாங்குதில்ல என் மனசு

(அடி ஓடி...)

சாமி உன்னப் படைச்சிருக்கான் சத்தியமா எனக்கென்றுதான்

மாமி உன்னச் சுமந்திருக்கா மருமகன் எனக்கென்றுதான்

யாருக்கு நான் நன்றி சொல்ல யாரபுள்ள விட்டு வைக்க

வேரின்றி மரமுமில்ல மரமின்றி வேருமில்ல

ஆரயும் நான் விட்டு வையேன் அத்தைக்கே நன்றி சொல்வேன்!

(அடி ஓடி...)

எம்மவர் அறிவியலுக்கு அளவீடு கூறும் அளவீட்டுச் சொற்கள்!

2009-05-12T13:36:00.007+05:30

தமிழர் நாகரிகம் இன்று இருப்பதைவிட பல ஆயிரம் ஆண்டுகளுக்கு முன்னர் சிறப்பாகவும், பல்வேறு மொழி பேசும் மக்களின் நாகரீகங்களோடு ஒட்டி உறவாடி அம்மக்களிடமிருந்து கலை, கலாசாரம், அறிவியல் போன்ற பல துறைகளிலும் பலவற்றையும் பெற்றுக்கொண்டு ஒரு உன்னத நிலையில் இருந்து வந்திருப்பதை பல ஆய்வுகளும் சுட்டிக்காட்டியுள்ளன. ஆனாலும் இன்று எம்மிடையே பலரும் "நாம் அறிவியலில் போதிய வளர்ச்சி அடையவில்லை" என்று கூறிக்கொள்வதைக் கேட்கின்றோம். இக்கூற்றின் உண்மைத்தன்மை எத்தனை சதவீதம்? நாம் அறிவியலில் வளர்ச்சியடையவில்லையா? அல்லது வளர்ச்சி நிலையிலிருந்து தேய்வுப்பாதைக்குச் சென்றிருக்கின்றோமா?

ஒரு நீண்ட பாதையிலே பயணம் செய்துவரும் நாம் எமது பயணப் பாதையின் முன்னேற்றம் என்ன என்பதை அளவிட கடந்து வந்த பாதையைத் திரும்பிப் பார்ப்பதும் அவசியமாகின்றது. அதுபோன்றே எமது அறிவியல் முன்னேற்றம் பற்றி கருத்துரைக்கும் நாம் பழங்காலததைய எமது அறிவியல் வளர்ச்சி நிலை பற்றி ஆராய்ந்து கருத்துரைத்தலே நலம் பயக்கும்.

ஒரு ஆய்வில் மொழியும் பிரதான பங்கு வகிக்கிறது என்பதை எவரும் மறுக்க முடியாது. அந்தவகையில் எம்மிடையே பயன்படுத்தப்பட்டு வந்துள்ள எமது மொழி மற்றும் அயல்மொழி அறிவியல் சொற்களின் செறிவு மற்றும் பயன்பாடு என்பன எந்தளவிற்கு இருந்துள்ளன என்பதை ஆராய்வதனுடாக எமது அறிவியல் வளர்ச்சி என்ன என்பது பற்றி சிந்திக்கலாம்.

அந்தவகையில் எம்மவர் அறிவியல் என்று கூறத்தக்கதும தற்காலத்தில் நாம் "சுதேச மருத்துவம் " என்று அடையாளப்படுதுகின்றதுமான "நாட்டு வைத்தியத்திலே " (இங்கு நாட்டு வைத்தியம் =சித்த வைத்தியம் +ஆயுர்வேதம் ) பயன்படுத்தப்பட்டுள்ள , பயன்படுத்தப் பட்டு வருகின்ற அளவைச் சொற்களை மட்டும் இங்கே பதச் சோறாக எடுத்துக்காட்டப் படுகின்றது. ஏனையவற்றை நீங்களே கணக்கிட்டுக்கொள்ளலாம். அளவைச் சொற்களுக்கு பொருள்விளக்கம் கருதி இயலுமானவரை சர்வதேச அலகில் சமப்படுத்திக் காட்டப்பட்டுள்ளது. எம்மவர் அறிவியல் வளர்ச்சி என்ன ? நீங்களே அளவிடுங்கள்!
நிறுத்தலளவை தொடர்பானவை.
அஞ்சலி: சர்வதேச அலகில் 240 கிராமுக்கு சமனான ஓர் அளவை அலகு.
அர்த்தசராவ: சர்வதேச அலகில் 240கிராமுக்கு சமனான ஓர் அளவை அலகு.
அர்த்தபலம்: சர்வதேச அலகில் 30 கிராமுக்கு சமனான ஓர் அளவை அலகு.
ஆடகம்: சர்வதேச அலகில் 3840 கிராமுக்கு சமனான ஓர் அளவை அலகு.
இடப்பு: சர்வதேச அலகில் 16 கிராமுக்கு சமனான ஓர் அளவை அலகு.
இறாத்தல்: சர்வதேச அலகில் 480 கிராமுக்கு சமனான ஓர் அளவை அலகு.
உளுந்து சர்வதேச அலகில் 65 மில்லி கிராமுக்கு சமனான ஓர் அளவை அலகு.
எருஎடை: சர்வதேச அலகில் 60 கிராமுக்கு சமனான ஓர் அளவை அலகு.
யவம்: சர்வதேச அலகில் 32.5 மில்லி கிராமுக்கு சமனான ஓர் அளவை அலகு.
கஃசு: சர்வதேச அலகில் 15 கிராமுக்கு சமனான ஓர் அளவை அலகு.
கடைப்படி: 16 பலம் கொண்ட ஓர் அளவை அலகு.
கர்ஷ: சர்வதேச அலகில் 16 கிராமுக்கு சமனான ஓர் அளவை அலகு.
கைசா: சர்வதேச அலகில் 15 கிராமுக்கு சமனான ஓர் அளவை அலகு.
கழஞ்சு : சர்வதேச அலகில் 5200 மில்லி கிராமுக்கு(5.2 கிராம்) சமனான ஓர் அளவை அலகு.
காசெடை: சர்வதேச அலகில் 240 கிராமுக்கு சமனான ஓர் அளவை அலகு.
கிரேயின்: சர்வதேச அலகில் 65 மில்லி கிராமுக்கு சமனான ஓர் அளவை அலகு.
குஞ்சா: சர்வதேச அலகில் 125 மில்லி கிராமுக்கு சமனான ஓர் அளவை அலகு.
குடுப்பம்: சர்வதேச அலகில் 120 கிராமுக்கு சமனான ஓர் அளவை அலகு.
குன்றி: சர்வதேச அலகில் 130 மில்லி கிராமுக்கு சமனான ஓர் அளவை அலகு.
கோல: சர்வதேச அலகில் 8 கிராமுக்கு சமனான ஓர் அளவை அலகு.
சதுர்ப்பலம்: சர்வதேச அலகில் 240 கிராமுக்கு சமனான ஓர் அளவை அலகு.
சராவ : சர்வதேச அலகில் 480 கிராமுக்கு சமனான ஓர் அளவை அலகு.
சாதுரியபலம்: சர்வதேச அலகில் 240 கிராமுக்கு சமனான ஓர் அளவை அலகு.
சாணம்: சர்வதேச அலகில் 4 கிராமுக்கு சமனான ஓர் அளவை அலகு.
சூர்ப: சர்வதேச அலகில் 30720 (30 கிலோ 720 கிராம்) கிராமுக்கு சமனான ஓர் அளவை அலகு.
துரோணம்: சர்வதேச அலகில் 15360 (15 கிலோ 360 கிராம்)கிராமுக்கு சமனான ஓர் அளவை அலகு.
துரோணி: சர்வதேச அலகில் 61440 கிராமுக்கு சமனான ஓர் அளவை அலகு.
துட்டெடை: சர்வதேச அலகில் 488 மில்லி கிராமுக்கு சமனான ஓர் அளவை அலகு.
துலை: சர்வதேச அலகில் 6 கிலோ கிராமுக்கு சமனான ஓர் அளவை அலகு.
தூணி: 4 மரக்கால்(96 சுண்டு).
தூக்கு: சர்வதேச அலகில் 3 கிலோ கிராமுக்கு சமனான ஓர் அளவை அலகு.
தொக்கு: சர்வதேச அலகில் 3 கிலோ கிராமுக்கு சமனான ஓர் அளவை அலகு.
தொடி: சர்வதேச அலகில் 60 கிராமுக்கு சமனான ஓர் அளவை அலகு.
தோலா: சர்வதேச அலகில் 11.25 கிராமுக்கு சமனான ஓர் அளவை அலகு.
நிட்கம்: சர்வதேச அலகில் 4 கிராமுக்கு சமனான ஓர் அளவை அலகு.
நெல்லி : சர்வதேச அலகில் 960 கிராமுக்கு சமனான ஓர் அளவை அலகு.
பணவெடை: சர்வதேச அலகில் 488 மில்லி கிராமுக்கு சமனான ஓர் அளவை அலகு.
பத்தெடை: சர்வதேச அலகில் 60 கிலோ கிராமுக்கு சமனான ஓர் அளவை அலகு.
பலம்: சர்வதேச அலகில் 60 கிராமுக்கு சமனான ஓர் அளவை அலகு.
படி : 2.5 இறாத்தல்.
பிரஸ்குதி: சர்வதேச அலகில் 120 கிராமுக்கு சமனான ஓர் அளவை அலகு.
பிரஸ்த : சர்வதேச அலகில் 960 கிராமுக்கு சமனான ஓர் அளவை அலகு.
பிரஸுருதி: சர்வதேச அலகில் 120 கிராமுக்கு சமனான ஓர் அளவை அலகு.
மஞ்சாடி: சர்வதேச அலகில் 250 மில்லி கிராமுக்கு சமனான ஓர் அளவை அலகு.
மணங்கு : 8 வீசை ஒரு மணங்கு.
மணு: சர்வதேச அலகில் 12 கிலோ கிராமுக்கு சமனான ஓர் அளவை அலகு.
மவுண்ட்: கண்டி அல்லது பாரம் எனும் அளவையின் இருபதில் ஒரு பங்கு.
மாணிக்க: சர்வதேச அலகில் 480 கிராமுக்கு சமனான ஓர் அளவை அலகு.
மாஷ: சர்வதேச அலகில் ஒரு கிராமுக்கு சமனான ஓர் அளவை அலகு.
வராகன்: சர்வதேச அலகில் 4 கிராமுக்கு சமனான ஓர் அளவை அலகு.
வீ சை : சர்வதேச அலகில் 1.4 கிலோ கிராமுக்கு சமனான ஓர் அளவை அலகு.
ரூபாவிடை : சர்வதேச அலகில் 488 மில்லி கிராமுக்கு சமனான ஓர் அளவை அலகு.
லாஸ் : சர்வதேச அலகில் 3840 கிராமுக்கு சமனான ஓர் அளவை அலகு.

முகத்தலளவை தொடர்பானவை.

அங்குஷ்டபிரமாணம்: பெருவிரல் அளவு
அர்த்தசராவ :சர்வதேச அலகில் 256 மில்லி லீற்றருக்குச் சமனான ஒரு அளவை அலகு.
அர்த்தபலம்: சர்வதேச அலகில் 32 மில்லி லீற்றருக்குச் சமனான ஒரு அளவை அலகு.
ஆடகம்: சர்வதேச அலகில் 4.096 லீற்றருக்குச் சமனான ஒரு அளவை அலகு.
ஆம்மிரம்: சர்வதேச அலகில் 64 மில்லி லீற்றருக்குச் சமனான ஒரு அளவை அலகு.
ஆழாக்கு: சர்வதேச அலகில் 168 மில்லி லீற்றருக்குச் சமனான ஒரு அளவை அலகு.
இடங்களி: சர்வதேச அலகில் 2500 மில்லி லீற்றருக்குச் சமனான ஒரு அளவை அலகு.
உரி: சர்வதேச அலகில் 312.50 மில்லி லீற்றருக்குச் சமனான ஒரு அளவை அலகு.
உழக்கு: சர்வதேச அலகில் 336 மில்லி லீற்றருக்குச் சமனான ஒரு அளவை அலகு.
கழஞ்சு: சர்வதேச அலகில் 5 மில்லி லீற்றருக்குச் சமனான ஒரு அளவை அலகு.
கர்ஷ: சர்வதேச அலகில் 16 மில்லி லீற்றருக்குச் சமனான ஒரு அளவை அலகு.
கலம்: சர்வதேச அலகில் 64.512 மில்லி லீற்றருக்குச் சமனான ஒரு அளவை அலகு.
க‌ல‌ன்: 6 போத்த‌ல்.
குஞ்சா: சர்வதேச அலகில் 125 மில்லி லீற்றருக்குச் சமனான ஒரு அளவை அலகு.
குறுணி: சர்வதேச அலகில் 5.376 லீற்றருக்குச் சமனான ஒரு அளவை அலகு.
கொத்து: 4 சுண்டு (ஒரு milk maid பால் ரின் = ஒரு சுண்டு)
கோட்டை: 168 படி. சர்வதேச அலகில் 200 லீற்றருக்குச் சமனான ஒரு அளவை அலகு.
கோல‌: சர்வதேச அலகில் 8 மில்லி லீற்றருக்குச் சமனான ஒரு அளவை அலகு.
சங்கு : சர்வதேச அலகில் அண்ணளவாக 30 மில்லி லீற்றருக்கு சமனான ஓர் அளவை அலகு.
சராவ : சர்வதேச அலகில் 512 மில்லி லீற்றருக்கு சமனான ஓர் அளவை அலகு.
சாண : சர்வதேச அலகில் 4 மில்லி லீற்றருக்கு சமனான ஓர் அளவை அலகு.
சிட்டிகை: பெருவிரலளவு.
சிறங்கை: ஒரு கைக்குள் பொத்திப்பிடிக்கக்கூடிய அளவு.
சுண்டைப்பிரமாணம்: சுண்டைக்காயளவு.
சூர்ப: சர்வதேச அலகில் 32.768 லீற்றருக்கு சமனான ஓர் அளவை அலகு.
செவிடு: ஆழாக்கில் ஐந்தில் ஒரு பகுதி .
சோடு: சர்வதேச அலகில் 33.6 மில்லி லீற்றருக்கு சமனான ஓர் அளவை அலகு.
திரவடிறாம்: சர்வதேச அலகில் 4 மில்லி லீற்றருக்கு சமனான ஓர் அளவை அலகு.
தம்பிடி: ஒரு கைக்குள் பொத்திப்பிடிக்கக்கூடிய அளவு.
திரிகடிப்பிரமாணம்: மூன்று விரலளவு.
துரோணம்: சர்வதேச அலகில் 14.384 லீற்றருக்கு சமனான ஓர் அளவை அலகு.
துரோணி: சர்வதேச அலகில் 65.536 லீற்றருக்கு சமனான ஓர் அளவை அலகு.
துலாம்: சர்வதேச அலகில் 6.04 லீற்றருக்கு சமனான ஓர் அளவை அலகு.
துாணி: சர்வதேச அலகில் 21.5 லீற்றருக்கு சமனான ஓர் அளவை அலகு.
நாழி: சர்வதேச அலகில் 625 மில்லி லீற்றருக்கு சமனான ஓர் அளவை அலகு.
பதக்கு: சர்வதேச அலகில் 10.75 லீற்றருக்கு சமனான ஓர் அளவை அலகு.
படி: சர்வதேச அலகில் 1250 மில்லி லீற்றருக்கு சமனான ஓர் அளவை அலகு.
பலம்: சர்வதேச அலகில் 64 மில்லி லீற்றருக்கு சமனான ஓர் அளவை அலகு.
பாலடை: சர்வதேச அலகில் அண்ணளவாக 30 மில்லி லீற்றருக்கு சமனான ஓர் அளவை அலகு.
பிரஸ்த: சர்வதேச அலகில் 1024 மில்லி லீற்றருக்கு சமனான ஓர் அளவை அலகு.
பிரஸுருதி: சர்வதேச அலகில் 128 மில்லி லீற்றருக்கு சமனான ஓர் அளவை அலகு.
பேன்பிடி: பேனைப்பிடிப்பது போன்று பெருவிரலினாலும் சுட்டுவிரலினாலும் கிள்ளியெடுக்கும் அளவு.
போத்தல்: சர்வதேச அலகில் 750 மில்லி லீற்றருக்கு சமனான ஓர் அளவை அலகு.
மஞ்சாடி: சர்வதேச அலகில் 250 மில்லி லீற்றருக்கு சமனான ஓர் அளவை அலகு.
மணா: சர்வதேச அலகில் 480 மில்லி லீற்றருக்கு சமனான ஓர் அளவை அலகு.
மரக்கால்: சர்வதேச அலகில் 5.376 லீற்றருக்கு சமனான ஓர் அளவை அலகு.
மாணிக்க: சர்வதேச அலகில் 480 மில்லி லீற்றருக்கு சமனான ஓர் அளவை அலகு.
மாஷ: சர்வதேச அலகில் ஒரு மில்லி லீற்றருக்கு சமனான ஓர் அளவை அலகு.
மினிம்: சர்வதேச அலகில் 125 மில்லி லீற்றருக்கு சமனான ஓர் அளவை அலகு.
முக்குறுணி: சர்வதேச அலகில் 16.1 லீற்றருக்கு சமனான ஓர் அளவை அலகு.
வீசை: சர்வதேச அலகில் 1562.5 மில்லி லீற்றருக்கு சமனான ஓர் அளவை அலகு.
வெருகடி: ஒரு புனையின் காலடி அளவு அல்லது மூன்று விரல்களால் கிள்ளியெடுக்கும் அளவு.

கால அளவை தொடரபானவை

அகோராத்ர: 24 மணி நேரம்
அத்தப்பிரகரம்:நாலரை நாளிகை நேரம்
அத்தயாமம்:ஒரு நாளில் பதினாறில் ஒரு பாகம்
அயனம்: 6 மாதங்கள்
அக்கினிமேட்சம்:8/25 வினாடி
கடிகை:24 நிமிடம்
கடீ:1 மணி
கலா: 2 நிமிடம்
காஸ்டா: 4 4/5 வினாடி
சங்வர்சர: ஒரு வருடம்
சாமம்: 3 மணித்தியாலங்கள் கொண்ட கால இடைவேளை
தண்டம்: ஒரு நாளிகை அல்லது 24 நிமிடம்
தாசு: 60 நிமிடம் அல்லது இரண்டரை நாழிகை
நாழிகை: 24 நிமிடம்
நிமிடம்: 60 செக்கன்ட்
பட்சம்: 15 நாட்கள்
பிரகர: 3 மணித்தியாலம்
மண்டலம்:40 நாள். 48 நாள் என்பாரும் உண்டு
மணி: 60 நிமிடம்
மாத்திரை: கண்ணிமைப்பொழுது அல்லது கைநொடிப்பொழுது
மாதம்:30 அல்லது 31 நாட்கள்
மினித்து: 60 செக்கன்ட்
முகூர்த்தம்: 90 நிமிடம்
யாமம்: இரவு 10 நாளிகை முதல் இரவு 20 நாளிகை வரையான காலம்
யுகம்: 5 வருடம்
ருது: 60 நாட்கள்
விகலை: வினாடியில் எட்டில் ஒரு கூறு
வினாடி: நிமிடத்தில் அறுபதில் ஒரு பகுதி

நீட்டலளவை தொடரபானவை

அங்குலம்: அடியில் பன்னிரண்டில் ஒரு பங்கு
அங்குலி: சர்வதேச அலகில் 1.5 சென்ரி மீற்றர்
அறத்தி:சர்வதேச அலகில் 41.91 சென்ரி மீற்றர்
இராஜ: சர்வதேச அலகில்55.88 சென்ரி மீற்றர்
கஸ்த: சர்வதேச அலகில்55.88 சென்ரி மீற்றர்
சாண்:சர்வதேச அலகில் 22.86 சென்ரி மீற்றர்
துறுப்ப: 22 அங்குலம். 55.88 சென்ரி மீற்றர்
பம்ப: சர்வதேச அலகில்182.88 சென்ரி மீற்றர்
பாகம்:சர்வதேச அலகில் 182.88 சென்ரி மீற்றர்
மிடிறியன்: அறத்தி. சர்வதேச அலகில் 41.91 சென்ரி மீற்றர்
முழம்:சர்வதேச அலகில்45.72 சென்ரி மீற்றர்
யவமத்திய:சர்வதேச அலகில் 0.3 சென்ரி மீற்றர்
யவோதர:சர்வதேச அலகில் 0.24 சென்ரி மீற்றர்
வியத்:சர்வதேச அலகில்22.86 சென்ரி மீற்றர்
விரற்கடை:சர்வதேச அலகில் 1.95 சென்ரி மீற்றர்
விட்சதி:சர்வதேச அலகில் 22.86 சென்ரி மீற்றர்
றியன்: சர்வதேச அலகில்45.72 சென்ரி மீற்றர்

2009-05-10T13:15:00.003+05:30

நீயும் பாரு அகோரத் தாண்டவம்!

சூடாக ஒரு கப்!

2009-05-09T11:48:00.004+05:30

உங்களை வியக்க வைத்த வலை நட்சத்திரங்களின் புலனாய்வு செய்யப்பட்ட காதல் லீலைகள் மிகவிரைவில் அனுபவத்தில் அரங்கேற்றுவது தொடர்பாக ஆராயப்பட்டு வருகிறது !இது யாரையும் புண்படுத்தும் நோக்கத்திலல்ல. எனவே ,இந்த முயற்சி ஒருவரது இமேஜை(image) குறைக்க வாய்ப்புள்ளது என சிலரால் கூறப்படுவதால் வலை நண்பர்களின் கருத்துக்கள் பெறப்பட்ட பின்னரே வெளிப்படுவது தீர்மானிக்கப்பட உள்ளதால் தயவு செய்து உங்கள் கருத்துக்களைத்தாருங்கள். இவை அனுபவம் புலனாய்வுக்குளுவினாரால் அரட்டை மற்றும் தொலைபேசி உரையாடல்கள் மூலம் பெறப்பட்டுள்ளன. please Email your comment.

நான் மிகவும் ஏழை

2009-05-08T13:19:00.001+05:30

என் இதயம்!

2009-04-30T08:13:00.003+05:30

என் பேனைமுனைகளின்
கண்ணீரத்துளிகள்
உன் இதயத்தைக் கரைக்காதபோது
ஏன் கனவில் மட்டும்
நீ வந்து என்னை
நிட்டூரப் படுத்துகின்றாய்?

உன் பெயரை எழுதியே
காலியாய்ப்போன பேனைகள் எத்தனை
வேலிக்கப்பால் குப்பைமேட்டில்!

உனக்குத்தெரியுமா
உன் பெயரால் நிரம்பிய
என் தலையணையிற்கூட
சிறு இடமில்லை
ஒரு சிறு கவிதை எழுத
பின்
உன் நினைவுகளால்
நிரம்பிய என் இதயத்தில்
வேறொருத்திக்கு இடமேது?

விவேகசிந்தாமணி கூறுவது உண்மையா?

2009-04-19T12:06:00.011+05:30

வண்டுகளிருந்திடில் மதுவையுண்டிடும்

தண்டமிழிருந்திடிற் சங்கஞ் சேர்ந்திடும்

குண்டுகளிருந்திடிற் கோள்கள் மிஞ்சிடும்

பெண்டுகளிருந்திடிற் பெரிய சண்டையே.

எனக்காகப் பிறந்த பூவை..!

2009-04-06T10:12:00.008+05:30

குறுவாழ்க்கை கொண்டெனைக்
கொல்லப் பிறந்திட்ட மாதே
சிறு தூரம் இருந்தே-உன்
மணம்வீசி யென்னை
அள்ள நினைப்பாயோ கண்ணே!

மொட்டவிழ்ந்தவுன் வட்ட முகத்திரை
பொட்டணிந்திட நான் பிற‌ந்தேனம்மா
கிட்ட‌வ‌ன்தேயுனைத் தொட்ட‌ணைத்திட‌
வ‌ரம் த‌ர‌வேண்டு நீ அம்மா

ப‌ஞ்ச‌ணைமீதினில் ப‌டுத்திருந்தாலுமென்
நெஞ்சினில் எரியுது தீயே -உனை
முத்த‌மிட்ட‌ தென்ற‌ல் வ‌ந்த‌தை
மூட்டிவிட்ட‌தென் பூவே!

அனும‌தியின்றியுன் தேனினை யுண்டிட‌
அவ‌ச‌ர‌ம் என‌க்கிலை மாதே -பெரு
வெகும‌தி என்னிட‌மில்லை என்றால்
ம‌றுபிற‌வியில் கொண்டு நான் வ‌ருவேன்

வ‌ஞ்ச‌க‌ம் கொண்டு உன்
க‌ற்பினை அழித்திடேன்
அஞ்சிடாதேய‌டி க‌ண்ணே -என்
நெஞ்சினில் விஞ்சுதே -உனை
கொஞ்சிடும் ஆசையே தீயாய்!

காற்றுனைத் தொட்டாலும் -மாற்றான்
க‌ழுத்தில் நீ மாலையாய் விழுந்தாலும்
ஆற்றாம‌ல் நானிங்கு உயிர் துற‌ப்பேன்

நீ இத‌ழாக‌ உதிர்ந்தாலும் -என்
இத‌ய‌த்தில் விழ்வேண்டும் -நீ
என‌க்காக‌ பிற‌ந்த‌வ‌ள் பூவே!

தமிழ்தான் என் உயிர்!

2009-04-05T11:31:00.011+05:30

தமிழே !
என் உயிரே!!
என் வாழ்வே!!!

த‌மிழ் எனது மொழி!
தமிழ்!
அது எனது சொந்தம்!
அவள் என‌க்காக‌ப் பிறந்த‌வ‌ள்.

அவ‌ள் என்ன‌வ‌ள் என்ப‌தால்
அவ‌ள் நாள‌ங்க‌ளில் பாயும்
உதிர‌த்தின் ஓசை
என் இத‌ய‌த்தில் எதிரொலிக்கும்!
அது என் "உயிரோசை"!
அவ‌ள் உண்மையே பேசுவ‌தால்
அவ‌ளிட‌ம் பிற‌ப்ப‌து "மெய்யோசை"
"உயிரோசை" "மெய்யோசை"
இர‌ண்டுமே அவ‌ள் "எழுத்தோசை"

தினமும் நான் கேட்பது தமிழோசை!
கற்றிட விரும்புவது தமிழிசை!
செய்திட நினைப்பது தமிழ்ப்பணி

"த‌மிழ்" துன்ப‌ப்ப‌ட்டால்..
த‌மிழ‌ர்க‌ள் துன்ப‌ப்ப‌ட்டால்...
நான் சந்‌தோச‌ப்ப‌டுவேனோ?

த‌மிழே நீ க‌ல‌ங்காதே!
அண்ணனாய் தம்பியாய்
மகனாய் மருமகனாய்
உன் காதலனாய்
என்றும் நான் உன் உற‌வாய்

Free Signature Generator

நட்பின்மேல் வந்த ஊடல் நாசமாய்ப் போகட்டும்!

2009-04-05T10:14:00.004+05:30

ஒன்றாக வந்த நட்பு
இரண்டாக ஆகும்போது
தவறான புரிதல் ஒன்று
தவறாக வந்து என்மேல்
வெகுவாக மனதை வாட்டி
விரைந்த அக்கதை நான் சொல்வேன்.

ஓர் நட்பு இன்னோர் நட்பை
என்னிடம் தந்தவேளை
வந்ததோர் புதிய நட்பு
கிண்டலாய் நாலு வார்த்தை
கிறுக்காக என்னைப்பேச‌
வந்ததோர் புதிய நட்பை
தந்ததே அந்த நட்பு
வசைபாட என்னை என்று
வாகாய் நான் குறைகள் கண்டு
கசையடி கொடுப்பதாக‌
க‌ருத்தினில் எண்ணிக்கொண்டு
பேசாத‌ பேசிக்கொண்டேன்
பெரு ந‌ட்பில் குறைக‌ள் க‌ண்டேன்.
க‌ண்ட‌தோர் குறையை ‍-எந்த‌ன்
ம‌ன‌துக்குள் அட‌க்கிடாம‌ல்
க‌ன‌மாக‌ நாலு வார்த்தை
முத‌ல் ந‌ட்பைக் க‌டிய‌ எண்ணி
க‌ட்டி நீ விட்ட‌ ஆள்தான்
க‌சைய‌டி கொடுக்க‌ என்று
சுற்றி நான் க‌தைக‌ள் விட்டேன்
சூட்சும‌மாக‌ எண்ணி

எய்த‌வ‌ன் இருக்க‌ அம்பை
நோப‌வ‌ன் நான‌ன்று-அத‌னால்
ஏவிய‌ நீயே என‌க்கு
எதிரி என்றெண்ணிக்கொண்டேன்
கூவியே ச‌த்த‌மிட்டேன்
குரைத்து நான் க‌டிக்க‌ச் சென்றேன்.

இடிந்து நான் க‌டிந்த‌போதும்
இப்ப‌டித்தான் ந‌ட‌ந்த‌தென்று ம‌த்திம‌மாக‌ப் பேசி-என்
ம‌ன‌தையே தேற்றித் த‌ன்பால்
குறையில்லை என‌க் காட்டிற்று
உத்த‌ம‌மான‌ ந‌ட்பு!
ப‌ழ‌கிய‌ ந‌ட்பென‌க்கு -த‌ன்போல்
அழ‌கிய‌ ந‌ட்பைத் தர‌வே
வ‌ஞ்ச‌க‌ ஊட‌ல் ஒன்று
வ‌ந்த‌தே கொடுமை கொடுமை!
ஓ..! ஊட‌ல்தான் வ‌ந்த‌தாலே
உறுதியாயிற்றென் ந‌ட்பு!

வ‌லை வாழ்வில் வ‌ந்த‌ ந‌ட்பு
உயிருள்ள‌ ந‌ட்போ என்றும்
சில‌கால‌ம் சென்ற‌போது
சிதைந்திடும் ந‌ட்போ என்றும்
வ‌ச‌ந்த‌கால‌க் குயிலின் குர‌லாய்
வ‌ந்து போகும் ந‌ட்போ என்றும்
ப‌ல‌வேளை நினைந்த‌ ந‌ட்பு
ப‌ல‌மான‌ ந‌ட்பாய் ஆச்சே!

ஓ! இனியொரு விதி வ‌ந்தாலும்
ந‌ம் ந‌ட்பைப் பிரியாவ‌ண்ண‌ம்
வாருங்க‌ள் ந‌ண்ப‌ர்காள் நீர்
வ‌ர‌வில்லை என்றாற்கூட‌
தாருங்க‌ள் கையை நீட்டி
இறுக்க‌மாய்ப் ப‌ற்றிக்கொள்வோம்!

ஜாக்கிரதை!

2009-04-04T15:54:00.002+05:30

நண்பர்களே ஜாக்கிரதை!நீங்கள் ஒருவருடன் கொண்டுள்ள தொடர்பு எத்தகையதென்பது குறித்து தெளிவாய் இருங்கள்.அவர் நண்பரா அல்லது காதலரா என்று உங்களுக்கே தெரியாமலும், உங்கள் காதலரோ அல்லது நண்பரோ அவருடனான உங்கள் உறவு எத்தகையது என்பதை அவர்கூட புரிந்து கொள்ள‌முடியாத‌படியும் ந‌ட‌ந்துகொள்ளவும் வேண்டாம். அத்தகைய சூழ்நிலை பின்னர் உங்களுக்கு மட்டுமில்லாமல் உங்களுடன் நட்போ காதலோ கொண்டுள்ள ஒருவரையும் மிகவும் பாதித்துவிடும். எனவே இது விசயத்தில் அனைவரும் கவனமாக இருக்கவேண்டும். சிலர் இதுவிடயத்தில் "நம்ப நட நம்பி நடவாதே" என்றவாறு தாங்க‌ள் கொண்டுள்ள நோக்க‌த்துக்கு மாறாக நடந்து கொள்கின்றனர். தாங்க‌ள் ஜாக்கிர‌தையாக‌ இருந்து கொள்ளும் அதேவேளை த‌ங்க‌ளை ம‌ற்ற‌வ‌ர்கள், தங்கள் உள்நோக்கத்தைப் புரிந்து கொள்ளாமல் ந‌ம்பிக்கொண்டிருக்கும்படி செய்து ஏமாறச் செய்து அவர்களின் வாழ்வில் மண்ணைத்தூவுகிறார்கள்.எனவே நண்பர்களே! இந்த இருதரப்பிலும் எதிலுமே உங்களை இணைத்துக்கொள்ளாதீர்கள். நீங்களும் கவனமாய் இருந்து மற்றவரையும் காப்பாற்றுங்கள்.

Free Signature Generator