காதல் ஊருக்கு வழி எதுவோ?- என்
கண்மணி பேசும் மொழி எதுவோ?
முகவரியில்லா ஊர் தேடி -நான்
முழுமதி தொலைத்த ஒரு பேடி!
காதலி அவள் ஒரு புத்தகமாய்- ஒரு
கவிஞன் சொன்னது ஞாபகமே!
வழியில் ஒரு நாள் கண்டெடுத்தால் -அந்த
மொழிதான் வேண்டும் படிப்பதற்கு!
வெகுமதி தருவேன் தோழர்களே அந்தக்
காதலின் காதலின் மொழியைக் கூறுங்கள்!
காதலை வென்ற கலைஞர்களே! -அந்தக்
காதல் வலித்தால் மருந்தென்ன?
ஒருதரம் முயன்றாற் கிடைத்திடுமா? -இல்லை
பலமுறை முயன்றால் வெற்றியுண்டோ?
புத்தகம் படித்திட ஆசை கொண்டேன் -அந்தப்
புதுமொழி கற்றிட உதவுங்கள்!
கருத்துகள் இல்லை:
கருத்துரையிடுக